16, 17 ва 18 июнес сиене дуьнйады гъадухъунды мусурманаше хьибды йыгъа къутли выъыр ай Курбан-байрам. Мусурман шубе, ришиймаше рюдгюр ай ха1рние джуула, джуду хизындыла гъарсыр ад малбыр, къарабыр. Ихьды Мыха1д районди баласды инсанаше гьа байрамас гъарсара къарамалбыр на ч1абалар.
СВО каIч1удыла хъуъ квадрокоптербыр ва мадды фарфанагбыр гъана лийчед карбыр, ишлемиш гьаъад дистанционно, игрушкабырна мадиш. Дагъыстанди ва мадды ху1киметед серха1тмы гъад областьма, беспилотникбыр лийче хъаъас ихтияр мабдиш. Гьадид бадана эккед джармабыр гьаъара — 20 000 — 50 000 манутмы йыхыIр. Гьалысга гьавыда лийчир ана гьабыр гьагуйне, звонок гьыъыр йыгара гьеми номера — 112.
Май ваз джатIур гьугъара гьаабхыIр ва июнь ки гьугълумыхьван виъине а. Ихьдыбише рухьура, гьугъал ризкь йиъи, хьур, гьадыы е ки раази диъи. ДжамаIхтире гьыъыр ад езелбыр бытIрана руъура, мал-къарабыр рач руъура, къурах джившир, ухьун увц1уд хьын ывылгара, хьур.
ХуIрметли газет кьыле гьаъад юлдашер! Гъийгъа йе лахара ихды шаир Саид Гусейновад гене кьваIд цIинды шиъир, мыхаIд чIилыла кихьир ад — «Первердигар» на «ЛыIхды къизилгуьл» са ки четверостишие.
Гъийкьыд 38 сен лихъитхьур а Чернобыль шегьерди ад атомный станцияди авария вишид. Гьадире ихьды хуькийметес ки ва дайрады инсанашис ки бала кьухьды зиян-зарарбыр выри. Гьа гвалах вишид виъи 26-хьусды апрелес 1986 сыда. Гьа гедене гьазамды спасателер, пожарникер, атомный станциедид къуллухчиер ва гьа йераа бегеде гьаIсил дишид инсанар дыркьыри гьади мадана, радиация себеб йишир. Джандыла хыл...
Ми йыгъырма яхда редакциеди аlчlур ай Хьичаады мыхаlбишды шаир Саид Гусейнов. Мысга, вахт вишийне, Саид-шу руъура мийманна ихьды гвалахаа, джуду эккед ешдыхда гаджакьыр. 2015-хьусды сыдыла хъуъ гьание сотрудничать гьаъара ад йиъи «Мыхаlбишды цlинды хабарбыр» газетехьван. Гьадыла хьурагине шаир Саиде баласды шиъирбыр кирхьерей йырг ва азербайджан чlилыла, китабыр ки игъиерей гьа чlилмыла. Балад вахтинды гьарибваlли ана,...
Кишды йыгъа, 20-хьусды апрелес, Дагъыстанди йукьсура субботникбыр гыргара ай. МахаIд районди ки хаIр муIкъаI йаIкваIд кьулаа инсанар, гъаъ гъаIчIур, гьилды шере-кучебыр, гьилды хуькийметед идарамыд маIхлебыр ва саргъаIтбыр кIалба хъыгара ай. Лешур хыле бербыр, чIеверхийбыр, мугулбыр хаIрние хываI лювшур, хаIвас ана, саваIлихьван гвалах ваъара ай.
Эгер хала сижыдгухьна газад курмаlльбыр, вентиляциемыд каналбыр шыв хаlле ади гьацlара гьаъас йыдкьыд газмыд специалистер, дагъыстанабишыла 5-10 гьагъзырды манутад джармабыр гьаъас, хьур, тапширмиш дыъыр ай инсанар.
10 апрелес дьунйады гъадухъунды сиене мусурманаше къутли выъыр ай сивид-сывабад байрам. Ихьды республикади гьадис гюре выр ай хьибыд йыгъ выхадныймыд. Гьа йыгъа сиенебише гьыъыр ай садакьабыр, дугьа1быр, делегбыр ва байрамад суннат кубыр.
Йе ихьды газета к1ыб-к1ыб ихтилат гьаъара ха1р джура пешебыр гьаъара ад инсанашикла: ма1гьа1лимешикла, духтурашикла ва мадды гьасад замха1ткешешикла. Гъийгъад ми ихтилат гейес йигара кьухьды замха1т гъад гвалах ваъара ад хьыдынийкла — Абдуллаева Роза Абдуллаевнакла. Гьа риъи райондид ЖКХ-дид къуллухчи. Гьание гьа гвалах ваъара ад виъи 2004-хьусды сыдыла хъуъ, ха1рне 20 сен гъийкьыр а.
