Гьеми йыгъырма Украинади специальный военный операция гыргара ад хьибыд сен тамам йишир а. Ес-ва1с сиенебишис гьац1ара, гьа операцияди Мыха1д райондады шудаъ иди джанде йигитешды йик1 ад гадийше иштрак гьаъара ад йиъид.
Новость на родном
Нинды чIел увуIхуIс е
21-хьусды февралед йыгъа ха1р са миллитдире къутли гьаъара Нинды ч1илды Йыгъ. Ихьды районди мистед сыда ки гьа байрам кьуле выгыныс гюре, гьазырвалды выъыр ай балад идарамыра. Мыха1д районди ад мехьтебырмыра, садикмыра, библиотечный сетере, ЦЭВД-дире ва мадды гьасад идарамыра джуьхьды телебийшихьван сыт1ана сахьусна иштрак гьыъыри гьа маджлисма.
Новость на родном
ЦЭВД-дид идаради йыгыр ай акция
Гьеми йыгъырма МыхаIдид специальный военный операцияди гьуIмир выд Йигит Исмаилов Абдул-Маджит Гамзатовичды дур гъад ЦЭВД-хьур идарадире йыгыр ай акция — «Ихьды сураады хуIрмет Йигитешис»-хьур. Райондид ЦЭВД идарадид кьухьды коллективере, телебиер ва магьаIлимер сытIахана ягъмиш гьыъыр, сигыр ай СВО-ди иштрак гьаъара ад эскерешис лазимды вы-зыбыр. Гьа посылкама ихьир кIыб чIир джикисды улесдыбыр ва гьа джетинды агьвалатак...
Новость на родном
Телебийше кихьири нинды чIилилад диктант
Саласадид йыгъа, 18 февралес, Мыха1д А.М. Мирзоевды дурухда хъуд кьва1дхьусды мехьтебе йыгыр ай нинды ч1илилад диктант. Гьа диктант йыгыр ад йиъи 21-хьусды февралес агъмиш гьаъад сиене халкьмыд нинды ч1илды йыгъ гуьзет гьыъыр. Диктант кихьис хыва1 лешури 7-хьусды класса ад телебийше. Гьа дарса иштрак гьыъыри мехьтебед директор Икрам Давудова, завуч Рита Абасовара, методист Мирзият Мирзоевара, классад...
Новость на родном
Низам Халилов тааныш йишир ДДТ идарадид гвалахахьван
Тирдже гьа1фтидис Мыха1 йиркьыр ай промышленностед не савдымыд министр Халилов Низам Рахманович. Гьание кьабыл дыъыр ай шумур иди инсан, суалбыр хана джуды бегеде йидкьыр ад. Гьадид ихтилат йе гьа1а1пхы1д гьа1фтидис гъаъ йыхьыр ад газетед номера лийир ай. Прием кьуле выгыр тамам вишидаа хъуъ, Низам Рахманович йыхьыр ай Детский дом творчества-хьур идаради гьади ад агьвалатахда гакъас....
Новость на родном
Махачкалди хукбыр гьатIунид агьвалат
Махачкалди хукбыр гьатIур себеб вишир Дагъыстанад Кьухьние Сергей Меликова джуды страницады телеграм-канала мисе гьухьур: — Махачкалдид йыкьаI, Имам Шамильды проспекте, гьатIур ай хукбыр, амма шегьердид кьухьдыбишис гьа хабар вацIыр ай соцсетьма.
Новость на родном
Низам Халилова МыхаI выгыр ай инсанашды прием
12-хьусды февралес Мыхаlд районди йыркьыр ай РД-над промышленностед ва савдымыд Министр Халилов Низам Рахманович. Мыхаl лийкьасма министр аlчlур ай район кувурчlед саргьаlта гъад кьухды му1къаl Хъылда.
Новость на родном
ГъалибваIлид 80-сыдыс Дагъыстана агъахара а Ватандид защитникешды китаб
Саласадид йыгъа, 11 февралес, Дагъыстанад Правительствадид Седри Абдулмуслим Абдулмуслимов ха1сил йишир ай «Дагестан»-хьур издательский халды кьухьнийхьван Умаросман Гаджиевахьван на «Истина»-хьур республикадид газетед баш редакторад заместителехьван Зикрула Ильясовыхьван.
Новость на родном
МыхаIбишды газетед редакциядис гене са награда выр а
4-хьусды февралес Махачкалди ад сабыйды конференц-зала кьуле выгыр ай пресс-конференция. Фуланды маджлисед кьуле гинийиъий республикадид промышленностед ва савдымыд министр Халилов Низам Рамазанович. Гьа иджласа иштрак гьыъыр ай мыхаIбишды газетед баш редактора – Махмудов Тимур Керимовиче.
Новость на родном
Абдулмуслим Абдулмуслимовды дагъыстанабишис гьыъыр ад дилег
Дагъыстандид Правительствадид Седрие Абдулмуслим Абдулмуслимова Кайтагский районди хатыдихьван дыркьыд хьибды джигьилед бадана мисе гьухьури: «Гьеми йыгъырма Кайтагский районди вишид писды-пашмалды гвалахад хабар ившир а ес, хьибды джигьил гадиед муьфтене гуIмир пыч вишир а, газад угар себеб йишир. Гьабишды ешбыр йиъий 21 на 17 сенбыр. Гьабишис секинийис угар итхьудид шак ки йишир адиший. Сес выъыр йидкьыд...
