«Единая Россия» партиедид инициативадыхьван игъийир а гене почтадид 10 марка Россиядид Йигитешды — специальный военный операциедид иштракчийды дуруу гьыъыр ад, партиедид пресс-службадид хабардихьван. Маркадик кид эскерешик кинийиъи дагъыстанашура, гвардии старший лейтенант Шамиль Магомедов.
Дагъыстанад Правительствадид Седрие Абдулмуслим Абдулмуслимова саласадид йыгъа, 23 декабрес, сыдыд ахиред иджлас выгыр ай. Гьа иджласа агъмиш гьыъыр ай суал, шууна гвалах ваъасды виъиди МЧС-мыра, энергетикеше ва мадды лазимды идарамыра цIинды сыдыд байрамад выхадниед йыгъырма.
Дагъыстан – бытIрад ва балад миллетбыр ад регион виъи Россияди, дур-ун ад са джуду джурад маданиетдыхьван ва гьадат-нубатмыхьван ваъ, гьадыла гъайри бала уфтанды сельскохозяйственный продукциемыд ки, меселла, чIаблад якыдидки (баранинадид). Гъийгъа мадды са-кьваIд регионахьан сытIа республика хьура гинивиъи ихьды валаетди гьа як игъийинис.
12 декабрес Российский Федерациедид Конституциядид Йыгъа МыхаIд Идаят Гусейновад дурухда хъуд сахьусды мехьтебе ад хынымеше не магьаIлимеше благотворительный акция йыгыр ай. Гьабише сытIа гьыъыр ай джваIршда лягъуIдкалды посылкабыр, кихьир ай ихьды эскерешис кагъатбыр Украинади гыргара ад специальный военный операциеди иштрак гьаъара ад.
ГьаатхыIд улджумад йыгъа, 13-хьусды декабрес, райондид администрациедид актовый зала МыхаIд райондид кьухьние Давуд Сулейманова выгыр ай иджлас. Гьади иштрак гьыъыри РД-над Халкьдид Маджлисед депутата Шафи Абдуллаева, районад депутаташды Иджласад седрие Назим Рагимова, районад кьухьнийды заместителе Арсен Кулиева, сельсоветмыд седрийше ва мадды райондид идарамыд кьухьдыбише. Иджласа агъмиш гьыъыр хьуд суал.
16 декабрес МыхаIд райондид джамахаIт Къурасура маIхлиди ад сырымыы ягъмиш вишир ай гьанкьудис — гьади гьа йыгъа кирхьере ай СВО-ди йикьид йигит ка ихьды МыхаIды эскер Муслим Исмаилович Раджабов.
9-хьусды декабред йыгъ — ихьды хуIкимете Ватандид Йигитешды Йыгъ. Гьа байрам гивхьир ад виъи ватандид Йигитешды гьунарбыр на гьабишды дурубыр мааки лаъ-хьуъ кетIес хьур. Ва гьабишихда гьухьус, хьур, «Сагъул, аферин ваIс, ихьды Йигитер!» Гьа йыгъа ихьды кьухьды валаетди баласды идарамыра ва мехьтебырмыра гыргара маджлисбыр Йигитешды хатирес. Гьа йыгъа МыхаIбишды маданиетед зала ки йыгыр ай кьухьды...
9-хьусды декабрес, Ватандид Йигитешды Йыгъа, МыхаIд районди гьа Йыгъ гуьзет гьыъыр йыгыр ай хайлинды маджлисбыр. Райондид кьухьды Сулейманов Давуд Амаевиче иштрак гьыъыри баласды гьа Йыгъад маджлисма. ЙаIкваIд кьулаа гьание джуды кабинете выгыр ай кьухьды иджлас, МыхаIд райондаады СВО-ди дыркьыд Йигитешды хизанбыр сес выъыр.
Дагъыстан Республикадид Кьухьнийды Сергей Меликовад хабардихьан, артухана 200 гьагъзыр манут выс контрактникешис, РФ-дид Вооруженный силамыд резервный полкма ад, иштрак гьаъара ад СВО-ди. Гьа тангабыр выс хьур а эскер полка кийир мадана. Резервный полкма эскерешис хаIр гьаъара а сиене гьакьасабыр: тактикадид, огневой, тактический медицинадид, инженерный гьазырвалдыбыр гыргас, гьаIрнийхда ад специальность гуьзет выъыр.
9 декабрес ихьды хуIкимете агъмиш выъыр ай цIинды байрам — Ватандид Йигитешды йыгъ. Гьадис гюре МыхаIд райондид кьухьды Давуд Амаевич Сулейманов йыхьыр ай хала Садыков Ибрагим-Паша Султановичахда — районди марад са ветеранахда, гъийгъа ешемишды Махачкалди.
