Ихьды республикадид меркезди ад Дагъыстанад гьашыкь Сулейман Стальскиед дур гъад парк дюз-дюзгюн хъыъыр ачых хъыъыр а. Ачых гьаъад вахтинди гьади иштрак гьыъыр ай Дагъыстанад Кьухьние Сергей Меликова, «Иман»-хьур фондад кьухьние Фируза Керимовара, Махачкалдид мэре Юсуп Умавова, ДР-дид писателешды Союзад седрие Марина Ахмедовара ва мадды сес выъыр ад мийманаше. Парк ачых гьаъади Сергей Меликов гахъыри гьади...
Базарды йыгъа, 13-хьусды октябрес, зы, «МыхаIбишды цIинды хабарбыр» газетед суруула, ва Насир Юсуфов, райондид телевидениед кьухьды, дыхьыр ай хашкурди ваъас СВО-да кьаъды 20-ды йыгъад отпускади хъиркьыр ад Алиев Ниямудиныхда. Ниямудин МыхаIаIды Алиев Пулатды на Тюмен-ришид кIаъдыбыйды дух йиъи. Ихьды везифе Пулат шуд хала дыхьын — духарыс хош-беш выъын, къутливалдыбыр гьыъын гьанийис Дагъыстанад Халкьдид Йигит йиширадыла.
Ихьды МыхаIд райондид почетный инсанара Гасангусейн Абдулджелилова ихьды газетед редакциеди сигыр ай кагъат сагъулбыр гьаъара хьур районид кьухьнийис ва мыхаIды устарашис Расул Гамзатовды дур гъад Дагъыстандид хуIкиметед магьаIлимешды университетед маIхлиди гьыъыр ад ерлид духлакла уфтанды мас сихьир а хьур. Гьади гьемисед чIелбыр кинийиъий:
7-хьусды октябрес, Россиядид Президент Владимир Владимирович Путин гьухуд йыгъа, Дагъыстан Республикадид национальный политикадид ва динмыд гвалахмыд министр Энрик Муслимов на Дагъыстанад хьылешды Союзад седри Интизар Мамутаева ва волонтерашихьван сытIа дыхьыр ай мийманваIле даIгьвидид иштракчиехда, Российский Федерациедид Йигитахда Ибрагим-Паше Садыковахда.
ГБУ РД ЦСОН МО «Рутульский район» идарадид къуллухчиер дыхьыр ай СВО-дид иштракчияхда Алиев ХаIбибыхда, хъыркьыр ад даIгьви ад джигида кIаъды отпускади. Гьа гвалах йикIыы гъабгасды виъи, йисхьурди гьа ихьды Президент Владимир Путин гьухуд йыгъ йиъий. Центрад къуллухчийше къисмат гьыъыли ихьды эскерис сагъды джан ва хайирбыр даIгьвиди ад вахтинди.
Гьадис гюре Дагъыстан Республикадид Правительствадид Седрие Абдулмуслим Абдулмуслимова мисе гьухьур: «Йукьуд сен хьурагине Россиядид Президенте Владимир Владимирович Путине Дагъыстанад кьухьдываIле гьыъыр ай Сергей Алимович Меликов — генерал-полковник, дур-ун ад хуIкиметед, эскерваIлид, политикадид инсан.
7-хьусды октябрес правительствадид ва джуду суруула гьухуд йыгъ Владимир Путинес къутли гьыъыр ай Дагъыстан Республикадид Правительствадид Седриере Абдулмуслим Абдулмуслимова ки. — Гъийгъа джуды гьухуд йыгъ агъмиш гьаъара а ихьды хуIкиметед кьухьды Владимир Владимирович Путине. Сиене йыхды гвалахбыр йишир ад ихьды хуIкимете гьаатхыIд сыдырма гьанийды гьунурдыхьван йиъи.
7 октябрь Владимир Путин гьухуд йыгъ йиъи. Гьадис гюре Дагъыстанад кьухьние С. Меликова къутли гьаъара Президентес гьа йыгъ мисе гьухьур: — Дагъыстанад миллитмыд суруула ва изды суруула къутливалдыбыр гьаъара ихьды валаетед Президентес Владимир Владимирович Путинес гьухуд йыгъад! Гьанийды дур сыхыIйне йикIыы вуруъура цIинды Россия, йыхды ватандид гьадат-нубатбыр, хуIкиметет кьуве, гьадид сиъин суруулад уфтанвалды, ХуIрметли Владимир...
Национальный проект «Демография» «Старшее поколение»-хьур кьуле йыгын бадана, МахаIд райондид ГБУ РД ЦСОН идарадид къуллухчийше дыгыргара анидиъи 65 сыдыла лаъды еш ад инсанар МыхаIдид ЦРБ-ди гьади ад духтурашихда гьабыр гьабишихда гадкьын бадана ва диспансеризация гьаъас хьур. Гьадыхьван сытIана гьаъара а скринингбыр мадды шывга инфекциедид ядалбыр джанде ад-адишды гьацIара гьаъад. 5 агъаIлиер КаIли муIкъаIды гьеми йыгъырма...
Сахьусды октябрь ешлид инсанашды байрамад Йыгъ йиъи. Гьа байрамад Йыгъа артухана агъмишвалдыбыр гьаъара ешлид инсанашис, джуьхьды кьаIсды дидис-нинис, сахьусды кьул, хынимеше, хыдылаше, ярара-дустара ва хуIкиметед идарамыд къуллухчийше. Гьа йыгъад байрам гюзет выъыр, МыхаIд райондид ЦЭВД-хьур Исмаилов Абдул-Маджит Гамзатовичды дур выр ад идарадид къуллухчиер джуьхьды кьухьды Ахмедов Сабир Эфендиевич кьуле гине ва сахьусды МыхаI ад мехьтебед...
