Дагъыстандид рыIкъмыд джываб гъад министерствадид пресс-cлужбадид хабардихьван, мистед сыда Россияди тамам йикисды йиъи национальный проект «Безопасные качественные дороги»-хьур.
Амма гьа рухьуд ч1ел диш, мидыла хъуъ ра1хъбыр дуьз-дуьзгин ва ц1инды ра1хъбыр хъаъасдиш, хьур.
Мида бейдене ихьды ху1киймете беслемиш ваъасды виъи ц1инды национальный проектмыд гвалах: «Инфраструктура для жизни»-хуьр, ва «Эффективная транспортная система» («Транспорт»)-хьур.
Ихьды областе баласды гвалахбыр гыргасды йиъи “Инфраструктура для жизни”-хьур, нацпроектахьван ва гьадис гюре шегьерди ешемишды инсанашис эккед ра1хатвалды викиси. Гьадыла саваенди йик1ыы гъани йиъи инсанар дыгыргад автобусмыд на маршруткамыд яц1 85% дыхъунды лаъ гыргас джуды ад нормативмыхьван», – ихтилат гьыъыри регионад Минтрансара.
Гьа рухьуд ихтилат диш, са шегьермыд арабыр дуьз-дуьзгин гьаъасды йиъи, хьур. Гьа проектехьван яваъ-яваъшене арыди-джаргыди гыргасды йиъи сиене ер-юртбыр: гьаъасды йиъи ц1инды хал-лахбыр, ра1хъбыр, гыргасды йиъи лазимды ремонтбыр, ва ра1ха1твалды викиси халкьдид транспортад сураа ки, гьис хьурди йикиси гъийкьыд инсанар дыгыргад машинбыр.
Сиене сыт1а ари кине гвалах ваъаси 12 федеральный проектере.

Зарема Исрафилова