Гьеми йыгъырма Украинади специальный военный операция гыргара ад хьибыд сен тамам йишир а.
Ес-ва1с сиенебишис гьац1ара, гьа операцияди Мыха1д райондады шудаъ иди джанде йигитешды йик1 ад гадийше иштрак гьаъара ад йиъид.
Кид-кине ес унбыр рыхы1ре, ихьды гадийше гьади гьаъара ад йигитвалдымыкла. Ва гьади гьабише къазамиш гьаъара ад кьухьды наградамыкла.
Гьеми йыгъырма ки ихьды райондады, джан сихьир ватан увуIухуIс дыхьыр ад, кьву1нды Йигитес выр анийиъи орден не медаль.
Баширов Мурад Эйвазовичис выр ани йиъий орден «Мужества». Гьа Йигит йиъи Муслах мукъа1ды. Ашуров Азан Ашуровичис выр ани йиъи медаль «За храбрость» 2 степени. Гьа йиъи Ц1ахы1ряды.
Мыха1д район сиене шад-гуямиш виъи джуды Йигитешы. Ва эккед сагъул рухьура а гьабишде.
Ва1 ихьды халкьдид дамах виъи!

Зарема Исрафилова