27 ноябрес Дом дружбади Дагъыстанад Кьухьды Сергей Меликов хаIсил йишир общественникешихьан, куьмег вылцIад спецоперациедид иштракчийшис ва гьабишды хизынмыс. Гьади ягъмиш дишир ай фондмыд кьухьдыбыр, волонтерар ва дагъыстанабыр, кьуле гыргад проектбыр, эскерешис куьмег гьаъад. Гене гьади ай эскерешды нинабар, ришиймар ва къариймар, гьа проектма иштрак гьаъад джюхьды кюмгихьан.
Гъийгъа, улджумад йыгъа, 29 ноябрес Республика Дагъыстанад Кьухьные Сергей Меликова хъывылцIыра ай джывабыр джамаIхтире выр ад суалмыс. Гьеми хылис выгыргара ад прямая линия Дагъыстанад Кьухьнийды Сергей Меликовды виъи йукьубхьусды.
19 ноябрес МыхаIд райондид кьухьныйды кабинете выр ай хал-лах дюз-дюзгин гьаъасды сертификат Чеченешды Республикади вишид даIгьвиед иштракчи Фирудин Рагамудинович Абакаровас.
Ми йыгъырма ГКУ РД УСЗН в МО «Рутульский район», хьур, идарадид къуллухчи Виталий джуду йикIяа лувзур китIир Россиядид Миноборонадыхьван контракт МыхаIаI гьархыIр а Украинади гыргара ад СВО-ди.
Россиядид Президент Владимир Путине джуды Указахьван кьабыл выъыр ай къарар ераллы-параллы дишид эскерешды бадана СВО-ди иштрак гьаъара ад. Гьадис гюре лап балана яраллывалды вишид эскерес 3 миллионакла хъывыъыр а 4 миллион манут, нага эскер инвалид йишийне.
Миди саъна выр ад хабар ес выъыр Дагъыстан Республикадид врио военный комиссара А. М. Мурадханова 1. Гьазыр выъын ва кьуле выгын инсанашды призыв армиди дыгыргасды Дагъыстан Республикади.
Дагъыстанад Кьухьды Сергей Меликов гьаIсил йишир Россиядид Йигитехьван, «Время героев»-хьур президентед программадид иштракчиехьван Темирлан Абуталимовыхьван, выъыр ад республикадид кьуьнийды пресс-службадире хабардихьван. Темирлан Абуталимов гьала ки мара стажировкади программадик кид-ка, гьанийды магьаIлим йиъи Сергей Меликов. Гъийгъад йыгъахьван Россиядид Йигитед бегьем вишир а кьылевыъын кьваIдхьусды модулехьван.
7-хьусды ноябрес 2024-хьусды сыда МыхаIд райондид кьухьнийды заместитель Насир Раджабов хаIсил йишир ай МыхаIдид сельсоветед седри Раджаб Гасантаевахьван на военно-учебный устIулад гвалахбыр кьуле гыргад Ширинов Шириныхьван.
Октябрь вазыра МыхаIд райондид хынымешды творчествадид Хала дуруъура кьылеваъара ад телебийшихьван Регионад «Движение Первых», хьур, дур гъад отделениедид кьухьды специалист Фезлиева Айшат Исмаиловнара выгыр ай семинар. Гьа семинара иштрак гьыъыр ай ДДТ идарадид магьаIлимеше не гьа идарадид кьухьды Султаналиева Минавер Алиевнара ки.
РД-над ГИБДД-дид хабарахьван, ми хаIфтидис, 11 ноябрес, Дагъыстанад госавтоинспекциядид къуллухчийше джармабыр гьыъыр ай 3846 машинбыр йыргад шофирешыла чIил хъидживир а, хьур.
