4-хьусды февралес Махачкалди ад сабыйды конференц-зала кьуле выгыр ай пресс-конференция. Фуланды маджлисед кьуле гинийиъий республикадид промышленностед ва савдымыд министр Халилов Низам Рамазанович. Гьа иджласа иштрак гьыъыр ай мыхаIбишды газетед баш редактора – Махмудов Тимур Керимовиче.
Гьа пресс-конференцияди промышленностед не савдымыд министр Халилов Низам Рамазановиче СМИ-мыс эккед сагъулбыр гьыъыри, выдж кьуле гид секторара выъыд гвалахад сиене гьунарбыр ашкарана гьагва гьаъара, хьур. Ва гьадис гюре Низам Халилова мыхаIбишды газетед башредакторад Тимур Керимовичды хыле выри благодарность, джуды отраслидире гьаъара ад гвалахбыр хаIммише лахара, хьур, газета ва газетед сайта.

Зарема Исрафилова