Тирдже гьа1фтидис Мыха1 йиркьыр ай промышленностед не савдымыд министр Халилов Низам Рахманович. Гьание кьабыл дыъыр ай шумур иди инсан, суалбыр хана джуды бегеде йидкьыр ад. Гьадид ихтилат йе гьа1а1пхы1д гьа1фтидис гъаъ йыхьыр ад газетед номера лийир ай.
Прием кьуле выгыр тамам вишидаа хъуъ, Низам Рахманович йыхьыр ай Детский дом творчества-хьур идаради гьади ад агьвалатахда гакъас. ДДТ-дид кьухьды Минавер Султаналиевара гьабишды йисды зданиедид бадана суал хьуъ гет1ир ай, рыдж министре выгыргара ад приема рыхьыд бериды.
Минавер Султаналиевара ихтилат гьыъыр ай Низам Халиловас, шыв джетинвалдыбыр ади рыдж кьуле гид идарадыхда. Гьание хайиш гьыъыри министреда, йишийне ц1инды здание гьаъас куьмег вияъ, хьур, ва яки гьалаки са мадды зданиеди ДДТ-дид идара хъивихисды са чара гьувга ваъ, хьур. Минавер Султаналиевара гьухьур ай, гид здание лап к1ыбди, 80 сенбыр мидыла улихьде луза гьыъыр ад йиъи, хьур. Ва генеки Минавер ма1гьа1лимере хайиш гьыъыри Низам Халиловда камды-кесды мебель лешус куьмег вияъ, хьур.
Гьа суалмыд выдж дерде йикиси, хьур, гьухьури министре.

Зарема Исрафилова