Белоруссиедады делегация «Беллегпром»-хьур концернадид седриехьван Татьяной Лугинойехьван выхьыр ай дагъыстанабишды «ДОФ+»-хьур дур гад гъилабадыбыр агьахад фабрикади ва таныш дишир гьадид гвалахахьван, шудаъ руъура ади гьаъас гъилабадыбыр. Гьабишихьван сыт1а гьади йыхьыр ай Дагъыстанад экономикадид ва территориальный развитиедид министр Гаджи Султанов.
Дагъыстан Республикадид Правительствадид Седри Абдулмуслим Абдулмуслимов гьа1сил йишир ай Орловский областед Губернаторад заместителехьван — Росссийский Федерациедид Правительствадик кид Орловский областед Представительствадид кьухьнийхьван Александр Бирюковыхьван, йыркьыд Дагъыстанди гвалахбыр гине.
26 июлас Дагъыстанад халкьдире агъмиш гьаъара джуду байрам — Дагъыстан Республикадид Конституциедид Йыгъ. Шегьерма, му1къма гьадис гюре гыргыра эккед мероприятиебыр ва концертбыр. Республика Дагъыстанад ц1инды Конституцие выъыр йыгад суал кьуля сихьир республикадид Верховный Советед Президиумара 1991 сыдыд ахирес. Хьад руъуди 1992 сыда гьазыр гьыъыр ай юкьуд Конституциедид проектбыр. Гьа проектмыкла республикадид Верховный Советед Конституциедид комиссиедире...
Дагъыстанашура Сухраб Ахмедов йишир а ц1ухьудхьусды Россиядид Йигит специальный военный операция ка1ч1удыла хъуъ. Гьа хабар выъыр ай джуду официальный telegram-канала РД-над Кьухние Сергей Меликова, гьухьур, Сухраб Ахмедов – бала Ватан хъывгад, дирид хасиет ва йыхды йик1 ад инсан и. «Ихьды инсан – эскеред хизындид йиъи. Гьанийды дид, Султан Исмаилович Ахмедов – полковник йиъи отставкади ад...
Гьаапхы1д ха1фтидис Мыха1д райондид Администрациеди выгыр ай прием граждан. Инсанар кьабыл дыъыр райондид кьухьние Давуд Сулейманова ва Дагъыстанад Халкьдид Маджлисед депутата Шафи Абдуллаева. 11-ды инсанара райондид му1къмады кьабыл дыъыд арыди ашкара гьыъыр кьухьдыбишис джуьхьды къавгъу-дердибыр. Баласдыбыр гьамыкла йиъий ЖКХ-дид ва ер-юртбыр дюз-дюзгин гьыъынид му1къма.
Пери-Ханум Ешемиш йиъий са мукъа1 джуда выдж хьур хад, джуула гьакьаллы вышне адиш хьур ад Т1елеби рухьуд эдеми. Сиене му1къ джус икьрар ваъас чалыш йиъий. Йыгъырмыкла са йыгъа гьеми Т1елебие сыт1а даъара сиене му1къа1 ад илсанар, ягъмиш дыъыр рухьура: «Гьай джамаха1т, ве сиене гьакьалсызар диъинехъун гади ки, за вес са месэле выси. Гьеми мириеде хад...
Махачкалди поездмыд вокзала йыдкьыр ай 10 хыных нинабар хъуна Донецкий Народный Республикада. Гьабишды рыкъаI йыбкьыр ай дагъыстанабишды делегация республикадид гвалахад министред заместителехьван Абдулкерим Абдуллаевыхьван. Едед хынимешды, 4-дыла 14 сен йишир ад, кьвунды хаIфтидид арыди джанбыр джанды хъыгасды йиъи республикадид гвалахад Министерствадид ребилитациемыд центрма.
Дагъыстандады эскер Ранита Мамедовара иштрак гьаъара а Украинади гыргара ад спецоперациеди. Гьа риъи радиосвязист разведкадид ботальона специальный военный операциедид зонади ад. Мамедова Дербентдады риъи, хьурагине ки эскерваIле ришид.
Каспийск шегьердид больницади гвалаха дыъыр а cпециальный военный операциеди иштрак гьаъабишды бегедед 17 инсан. Каспийск шегьердид больницадире вылцIад кюмгила гъайри специальный военный операциедид иштракчийшис, гьабишды хизынмыд инсанар гвалаха ки кьабыл дыъыр а. ХаIр гьасад гвалах выгад инсанад суал лазим йиъидкал кьуле гыргара эгер ер ана йишийне халкьдид организациемыхьван, эскерешихьван сытIа меслягьаIтбыр гьыъыр.
Дагъыстан Республикадид информациедид ва печатад Агентстводире Запорожский областе ад подшефный Михайловский района сивигыр ай эккед партие гуманитарный куьмег высды кардымыд. Мысга ваъад ка джалахьуъ, сивигасды бар гьазыр выъыр ай гьади ешемишды инсанашис лазимды кардимыкла, гьабишис шыв сахьусды кьул йыгарди, ва улед-рагъадбыр ки кине.
