Ц1инды кьылевыъынид сен ка1бч1уре адис гюре Дагъыстанди, сиене валаетди ка, гыргара а благотворительный акцие «Собери ребенка в школу»-хьур. Шумудъиди гьагъзыр телебийшис, гьабишик кине СВО-дид иштракчийшды хынимешис ки, касиб хизынмыд хынимешис ва хынимер бала ад хизынмыдбишис, едед хынимешис гьаъара а подарокбыр сиене мехьтебе лаазим йикисды кардымыд.
Дагъыстан Республикадид Правительствадид Седрие Абдулмуслим Абдулмуслимова выгыр ай Оперативный штабад иджлас республикади Дербентский районди Рубас му1къа1 ад «Рубас»-хьур туристешды базади абыр кефсыз дишир, хьур, РД-над кабминед пресс-службадире выъыд хабардихьван. Агъмиш гьаъад вахтинди гьа суал иштрак гьыъыр ай РД-над Роспотребнадзорад кьухьдыбише, Минздравара, Минобрнаукадире ва маддыбише. Гьа йыгъа ГБУ РД «Дербентская ЦГБ»-хьур духтурханадид инфекционный отделениеди кют1е дыъыр...
Дагъыстан Республикадид Правительствадид Седри Абдулмуслим Абдулмуслимов гвалахбыр гине Запорожский областе ад Михайловский районди йыркьыйне джухьван виъид эккед дагъыстанабишды делегациедыхьван сыт1 тааныш йишир яшайишес лаазимды объектмыхьван, Дагъыстандады устараше гъилы лахъахара ад, выъыд РД-над кабминед пресс-службадид хабардихьван.
Украинади гыргара специаьный военный оперцие каIч1удыла хъуъ квадрокоптербыр ва мадды фарфанагбыр гъана лийчед карбыр, ишлемиш гьаъад дистанционно, игрушкабырна мадиш. Дагъыстанди ва мадды ху1кийметед серха1тмы гъад областьма беспилотникбыр лийче хъаъас ихтияр мабдиш. Гьадид бадана эккед джармабыр гьаъара — 20 000 — 50 000 манутмы йыхыIр. Гьалысга гьавыда лийчир ана гьабыр гьагуйне, звонок гьыъыр йыгара гьеми номера...
Дагъыстанди знаниемыд Йыгъа, 1 сентябрес, 16 ц1инды гьамыъды кьылевыъынмыд учреждениемыра ачых гьаъаси джуьхьды ракбыр. Гьа хабар выъыр Республикадид Кьухьние Сергей Меликова джуды Telegram-канала, гьадыхьван сыт1а гене гьагва гьыъыр шууна йыхана лаъ-хьуъ виъиди йыхды яшайишед инфраструктура региона.
Дагъыстанад Премьер-министр Абдулмуслим Абдулмуслимов ха1сил йишир «Время героев»-хьур программадид иштракчийшихьван: дагъыстанабишихьван Энвер Набиевыхьван ва Магомед Валиховыхьван, генеки Мордовиядады эскерехьван Алексей Жбановыхьван, йыркьыр ад Дагъыстанди мийманва1ли. Регионад кабминед пресс-службадире выъыд хабардихьван, ху1кийметед гвалахмыхьван ха1р даъад Энвер Набиевад на ва Магомед Валиховад наставник йиъи Дагъыстанад Кьухьды Сергей Меликов, Алексей Жбановад наставник – Мордовиядид Кьухьды Артем Здунов.
Гене са гуманитарный куьмгид партия ливкьа выъыр а специальный военный операциядид зонади Дагъыстанад Кьухьнийды Сергей Меликовад поручениедыхьван, выъыр гьасад хабар республикадид кьухьнийды пресс-службадире. Куьмгид бар хана дыхьыр ай РД-над Кьухьнийды ва Правительствадид Администрациедид кьухьнийды заместитель – РД-над Кьухьнийды информационный политикадид ва пресс-службадид Управлениедид начальник Рашид Акавов, регионад Кьухьнийды помощникер Саид Маматханов и Мурадхан Муртузалиев, Хасавюрт...
4-хьусды августас Дагъыстандид кьухьды Сергей Меликова выгыр ай иджлас мадды регъберешихьван сыт1а. Сахьусды кьул, республикадид кьухьды Сергей Меликова къутли гьыъыри Дагъыстандид строительствадид министрес — Бахтияр Уллаевас гьухуд йыгъ ва сагъул-варулбыр гьыъыри гьанийис кьуле выгыргара ад гвалахас гюре. Гьа иджласа хьуъ гет1ир ай ха1р джура суалбыр, ва гьадыхьван сыт1а республикадид кьухьние гет1ир ай суалбыр джу хьури...
27-хьусды июлас Дагъыстандид Правительствадид Седри Абдулмуслим Абдулмуслимова ачых гьыъыр ай Даъыстанабишды выг1лешды на хьылешды арыда гыргара ад шахматмыд чемпионат. Гьа чемпионат гыргара ад йиъи Дагъыстандид сахьусды Президентвалды выъыд Муху Алиевды 85-сенйишинис гюре. Чемпионат йыгынид гъилы-кьулу гъани виъий Дагъыстандид физический культурадид не спортад Министерство ва РД-над шахматмыд Федерация. Махачкалди ад Исторический парк «Россия-моя история»-ди ягъмиш дишир...
Дагъыстанад Правительствадид Седрие Абдулмуслим Абдулмуслимова республикадид Конституциядид байрамад хьурагинди йыгъа, 25 июлас, РД-над Кьухьнийды Сергей Меликовды дуруула выр ай эккед наградабыр дагъыстанабишис, йыхана гвалах выъыд республикадид экономикадид лазимды отраслима. Махачкалди Дружбадид Хала гьа церемонияди гене иштрак гьыъыр ай РД-над Кьухьнийды ва Правительствадид Администрациедид кьухьние Махач Омарова, РД-над Совет Безопасностед Секретаре Магомед Баачилова, республикадид Правительствадид Седриед...
