5 майес Хлют му1къа1 Мыха1д районди ачых гьыъыр Россиядид Йигитед полковник Магомедали Камильевич Магомеджановад, йикьид йигиткал Специальный военный операциеди, дурухда гьыъыр ад бюст не сквер ачых гьыъыр ай. Магомедали Магомеджанов гьухуд йиъи Хлют му1къа1 ва к1ыъла кьухьва руъума сиъинбишис гьац1арай дирибашды хыныхна, мыхьджеб джавац1ад на джуду Ватан хъывгад. Россиядид вооруженный Силамыд эскер йиъине, гьание джу...
Выхадниед йыгъа, 13-хьусды апрелес Дагъыстанад Правительствадид Седри Абдулмуслим Абдулмуслимов таныш йишир кьыlдид чlирмыхьван республикади Северный зонади ад, гьили кьыlд лахара ад 2 млн. чlабалашды хыlбырмыра. Гьа гвалахад видео Дагъыстанад премьер-министред ихтилатмыхьван сытlа ливир а правительствадид официальный страницады.
Йыхды медиаконтент гьыъын, фейкмыхьван даlгьви выгыргасды: гуджли ва йыха выъын республикади Дагинформадид ва ЦУРад сытlа выгыргара ад гвалах. Гьасад суалбыр агъмиш гьыъыри РД-над информациедид ва печатад Агентствадид къухьды Арсен Юсупов на Дагъыстанад ЦУРад кьухьды Исрафил Исрафилов хаlсил дишийне. Хаlсил дишид арыди гьухъур ай, гъийгъа аа-уу ад агьвалатахда гадкьыр бала лазим руъура инсанашы кlыбди ва дюзгинне...
Дагъыстан Республикадид Кьухьнийды Сергей Меликовад поручениедихьван республикадид Правительствадире сигас хьур а резервный фонда 4,1 млн манут тангымыд выплатабыр гьыъын бадана ветеранашис Великой Отечественной даIгьвидид 1941-1945 сыдырмыд.
Дагъыстанад Халкьдид Маджлисед 30 сен йиъи вишидыла хъуъ. Быга, 18 апрелес, республикадид ад са эккед депутаташды законодательный органад – Дагъыстанад Халкьдид Маджлисед йикиси 30 сен гвалах ваъара кувч1удыла хъуъ.
Дагъыстандид кьухьды Сергей Меликова сигыр ай эккед гуманитарный куьмег СВО-ди иштрак гьаъара ад эскерешис. Гьа посылкама ари ани йиъий – квадроциклбыр, квадрокоптербыр, вышед прицелбыр, радиостанциебыр, инженерный защита гьаъасды карбыр, бензогенераторбыр, внешний аккумуляторбыр, спутниковый оборудованиедид комплектбыр.
Ураза-байрам МыхаIд районди ки сиене Дагъыстанди ка агъмиш выъыр ай 31-хьусды мартас. Байрамад йыгъад йаькваIс МыхаIд Галды мездик куб-дин гьаъад инсанаше увцIур ай. ГьаIр йыркьыние выри хизындила садакьа. Сасыние сынийис къутливалдыбыр гьаъара Ураза-байрамас гюре, шадана, раазине гьазыр дуруъура ай куб ваъас имамахьван. Куб кувчIусма Абдуселим имама сиъинбишис, сив хакьыдыхъундибишис, къутли выъыр Ураза-байрам: Аллагьара кьабыл гьыъый,...
31 мартас дуьнйады гъадухъунды сиене мусурманаше къутли выъыр ай сивид-сывабад байрам. Ихьды республикади гьадис гюре выр ай хьибыд йыгъ выхадныймыд. Гьа йыгъа сиенебише гьыъыр ай садакьабыр, дугьаIбыр, делегбыр ва байрамад суннат кубыр. ЙаIкваIс сагьаIт мыйдис байрамад куб выъыр ай ихьды МыхаIд Галды мездике ки.
ХуIрметли Абдулмуслим Мухудинович! Дагъыстан Республикадид сиене журналистешды суруула ва изды суруула къутли ваъара Вас 65 сен йишид юбилей. Хьибды сыдыд арыди Вы йиъид вахтинди республикадид Правительствадид Седрине Дагъыстана балад сферама цIинды ва йыхды гьакьасабыр каIчIури.
4-ды апрелес райондид центра, Мыха1д мукъа1, йишир ай джама1хтид субботник. Гьади иштрак гьыъыр ай сиене идарама ад къуллухчийше, мехьтебырмыд хынимеше ва сиене джама1хтире. Субботник йикисмаа МР «Рутульский район»-дид Кьухьные идарамыд кьухьдыбыр сыт1а дыъыр выъыр ай иджлас. Гьади хьуъ гет1ир ай субботникед суал. Райондид кьухьные выр ай указание, сиене къуллухчийше лазим йиъидкал 4-ды апрелес субботнике иштрак...
