3-хьусды мартас Дагъыстанад Кьухьды Сергей Меликов хаlсил йишир ай Россиядид Правительствадид Седриед сахьусды заместителехьван Денис Мантуровыхьван. Гьабише Дагъыстанад промышленность лаъ-хьуъ выгынид суал агъмиш гьыъыри.
Агъмиш гьыъыр ай лазимды регионас шумуд иди суал промышленность гуджли выъынид сураа ва шыв гьыъыр йыгарди гьадид предприятиемыс кюмег вын бадана. Меселла, тааныш дишир ай Дагъыстанад промышленность лаъ выгыргара ад Фондад гвалахахьван, гьадире кьуле гыргара инвестициемыд проектбыр, цlине ва экке выъынид сураа промышленностед гвалах. Гъийгъад йыгъа йыхыlр Дагъыстана 34-ды проектес тангымыд кюмег выр ай фондара сиене сытlа 790 млн. манут. Хаlсил дишид арыды агъмиш гьыъыд суалмык — лаъ хъыъын дуллух регионад ОПК-дид къуллухчийшис, са ки гъилабадыбыр агъахад промышленностес гьыъын кьабыл са йиъид цlамды страховой взносмыд тариф. Республикади кьуле гыргара а «Город обувщиков»-хьур проект, гьадис гюре викис хьур а 1600 гвалахмыд ер.

Б. МЫХАlДЫ