Сахьусды мартад йыгъала хъуъ, вазырды календарехьван кувч1ур а сиене мусурманашис хъывгад Рамазан ваз.
Гьа вазыра йа1ква1д кубад азан каъасма мусурманаше гьыъыр ният халкьара ха1дийды куба йыкьама сив, мизыла аъ шывга хъихирдиш. Ха1диед кубад азан выйне сихъиргара хакьыр ад сив, гьа гедене сес ваъара сасынийыхда хала ифтар гьаъас.
Гьа вазыра са сив хакьыр йигардиш, гьыъыр йыгад и йыхды гвалахбыр, хайир дугьа1быр, джыъыр йыгара писды ихтилатбыр, фитнебыр, ва вас джывгад гвалах мываъ мадды инсындис.
Вес гьеми йибкьыр ад Рамазан ваз къутли виший, ва1с вий сагъды джан сив хакьасды, ризкь мусурманашыхда йыгъ-йыгъала бала йиший, йикl темиз йиший, иман артух викий.
Ва1 халкьад сивбыр, гьаъад садакьабыр, выlхьды йикlыы гъад йыхды ниятбыр Аллагьара кьабыл гьыъый.
Ху1рметли шуба1-ришиймар, гьеми сивид вазыра дыкьа гьаъас кубыр вахт вахтинди, хакьас лазим йиъидкал сивбыр, Аллагьад рыкьа1 гьаъас гьибадатбыр ихьды-выхьды аахир йыха викисне.
Рамазан вазыра выр йыгад йиъи сивид сэъбыр (витри зака1гьа1т) гьа1р инсындыла, са инсанала руъура 2 кило на 700 грамм ма1дды кьирид.
Вазырды аахирес гьаъаси байрамад суннат кубыр, къутли гьаъара сивид — сывабыр сасыныйыхда дуруъуси.
Рамазан ваз ва1с нубараг!

Насир Ибрагимов