Каспийскади гвалах ваъара кувчlур ай III-хьусды Агропромышленный форум «ДагАгроКаспий»-хьур.
Гьа мероприятиеди иштрак гьыъыр ай РД-над Правительствадид Седриед заместителе Нариман Абдулмуталибова, регионад сельский хозяйствадид министр Мухтарбий Аджекова, РФ-дид Хуlкийметед Думадид депутат, «Теплицы России»-хьур Ассоциациедид кьухьды Алексей Сотникова, республикадид аграрный ведомствадид министред сахьусды заместитель Шарип Шарипова ва маддыбише.
Джу форумара ягъмиш дыъыр ай Россиядид 30-ды регионад иштракчиер, гьадыла саваенди Турциядады, Азербайджандады, Китайдады ва Шри-Ланкидады компаниемыд къуллухчиер.
Форума гьагва гьаъас сихьир ай езед хаlрса джура сукбыр, гьамыъды хьед гьабгъуд системабыр, езелмыд дарманбыр, малдухтурашды препаратбыр, гьадыла саваенди багъмыс ва теплицамыс лазимды карбыр, удобрениебыр, сельскохозяйственный тракторбыр, комбайнибыр ва мадды техника.
Форума йыдкьыбыр таныш дишир ай цlинды багъмыд агропрепаратмыхьван, гьамыъды цlинды комбайнимыд ва трактормыд оборудованиемыхьван. Форума йыгыр ай емишмыд дегустация.
Выставка кьвунды йыгъа анийиъий ва гьа арыди иштракчийшда йишир таныш дикис балад джваlршис лазимды кардымыхьван.

Б. МЫХАlДЫ