31 мартас дуьнйады гъадухъунды сиене мусурманаше къутли выъыр ай сивид-сывабад байрам. Ихьды республикади гьадис гюре выр ай хьибыд йыгъ выхадныймыд. Гьа йыгъа сиенебише гьыъыр ай садакьабыр, дугьаIбыр, делегбыр ва байрамад суннат кубыр. ЙаIкваIс сагьаIт мыйдис байрамад куб выъыр ай ихьды МыхаIд Галды мездике ки.
ХуIрметли Абдулмуслим Мухудинович! Дагъыстан Республикадид сиене журналистешды суруула ва изды суруула къутли ваъара Вас 65 сен йишид юбилей. Хьибды сыдыд арыди Вы йиъид вахтинди республикадид Правительствадид Седрине Дагъыстана балад сферама цIинды ва йыхды гьакьасабыр каIчIури.
4-ды апрелес райондид центра, Мыха1д мукъа1, йишир ай джама1хтид субботник. Гьади иштрак гьыъыр ай сиене идарама ад къуллухчийше, мехьтебырмыд хынимеше ва сиене джама1хтире. Субботник йикисмаа МР «Рутульский район»-дид Кьухьные идарамыд кьухьдыбыр сыт1а дыъыр выъыр ай иджлас. Гьади хьуъ гет1ир ай субботникед суал. Райондид кьухьные выр ай указание, сиене къуллухчийше лазим йиъидкал 4-ды апрелес субботнике иштрак...
Ихьды газетаа баласды хабарбыр е чалыш дуруъура лиес мыха1д ч1илыла. Гьадис гюре, газетере эккед кюмег вылц1ара ц1амды мыха1д халкьдид ч1ел увуху1нис. Кьухьдыбыр шурад ч1илыла далгыйне ки, ала-лаъ диъид хынимешды са-санийды арыди далгын баласды урусала йишир а. Хынимешды хыле хад телефонмыра ва телевизормыра гьабишис джуды ч1илыхъаъ урус ч1ел артухана ха1р вуруъура.
8-хьусды апрелес Дагъыстанад кьухьды Сергей Меликов ха1сил йишир ай Специальный военный операциеди иштрак гьыъыд ва гьаъара ад эскерешды хизынмыд инсанашихьван. Гьадид хьурагине республикадид кьухьние лихьир а быч1имыд тыч1быр шикилмыд бегеде ра1хмитдис гьаатхы1р ад СВО-дид иштракчийшды.
6-хьусды апрелес Дербентди торжественно ачых гьыъыр «Послание в будущее — 2125»-хьур арт-объект ва йикисды «Кавказский Иерусалим»-хьур Духовный центрад бинди гивхьир вахтиндид капсула. Регионас лазимды дургъад гвалахбыр йыгыр ай ваъара ад «Южный»-хьур микрорайонад йыкьа1. Гьади иштрак гьыъыри: Россиядид Президентед Администрациедид кьухьнийды заместителе Владимир Островенкора, Дагъыстанад Кьухьние Сергей Меликова, сенатор Сулейман Керимова, Москвадид муфтие Ильдар Аляутдинова, Россиядид...
Изды шу Султанаев Идрис Султанаевич гьухуд йиъи Мыха1 мукъа1, Мыха1д районди 2 майес 1964 сыда эккед хизындид арыди. Дид — Султанаев Султаный, Нин риъи Султанаева Гюльдесте. Диде балад гвалахбыр гьыъыд йиъи районди, ху1кийметес ки, джама1хтис ки, кьу1не сельсеветвалды выъыри джуды мукъа1. Мукъу1с балад гедгасды гъа1быр, ра1хъбыр, клубыр гьыъыр. Лалаъанад хьед йыгын колхузад багъди, гьанийды мурад...
Дагъыстанад Правительствадид Седрие Абдулмуслим Абдулмуслимова 23 райондид не 5 шегьердид кьылевыъынмыд идарамыс выри 50 ц1инды машинбыр. Гьабыр лешун бадана кагъур ани йиъи 160,9 млн манут, регионад Правительствадид пресс-службадид хабардихьван.
Дагъыстана 2025-хьусды сыда етим хынимешис высды халмыс рыхыIре а 840 млн балад манутбыр. Дагъыстанад Правительствадид Седрие Абдулмуслим Абдулмуслимова выгыр а иджлас етим хынимешис ва хынимешис, дид-нин адишды, халбыр высды суалад бадана, выъыр гьа хабар Правительствадид пресс-службадире.
Мисте 8-хьусды мартас цIыса сен йиъи Крым Россиядик кихъивир ад. Крымдид полуостров ва гьади ад къала-шегьер Севастополь таарихди кIыблаа хъуъ Россиядид чIир-чIикбырна йиъидбыр йиъине ес-ваIс гьацIара. Таарихды гьамыы ул баладбишды гъай — англичанашды, французашды, туркешды, чалышды шуунага джуьхьды хылихьде гьаъас хьур.
