27-хьусды сентябрес райондид центра, Мыха1 мукъа1, йишир ай джама1хтид субботник. Гьа субботник йиъий Всероссийский «Зеленая Россия»-хьур. Гьади иштрак гьыъыр ай сиене идарама ад къуллухчийше, мехьтебырмыд магьа1лимеше не хынимеше ва сиене джама1хтире. Субботник йикисмаа МР «Рутульский район»-дид кьухьные идарамыд кьухьдыбыр сыт1а дыъыр выгыр ай иджлас. Гьади хьуъ гет1ир ай субботникед суал. Райондид кьухьные выр ай указание,...
Дагъыстанад Кьухьние Сергей Меликова иштрак гьыъыр РФ-дид Госсоветед Комиссиядид иджласа агъмиш гьаъади СВО-дид иштракчийшис куьмег высды суалбыр. Гьа иджлас выгыр ай РФ-дид Президентед помощникере, Госсоветед секретаре Алексей Дюмине, республикадид кьухьнийды пресс-службадире выъыд хабардихьван. Регионмыд кьухьдыбише выр ай информацие, шууна выгыргара ади гвалах эскерешихьван ва гьабишды хизынмыхьван еринды, тааныш дыъыр гьадыла хьурагине выгыд гвалахахьан ва шыв...
Махачкалди йыдкьыр а 49 дахыд палестинцыер, гьабишик хынимер ки кинидиъи. Гьа хабар 22 сентябрес выъыр ай ННТ-дид пресс-службадире. «Россиядид кьухьдыбише выд куьмег себеб вишир ва благотворительный фондмыра хыл йывхы1р йыдкьыбыр садгъур секин дыъыр ай «Караман-2»-хьур отдыхад базади. Хынимер ва кьухьды инсанар яваш-яваш ха1р дуруъура а ц1инды ераа яшайиш дикис», — Телеграм-канала выъыд хабардихьан. Пресс-службадид ихтилатмыхьан,...
Дюз хъыъыр к1алба хъыгыдыла хъуъ октябрь вазыра гвалах ваъара кахъа1ч1ус хынимер мехьтебе дуруъус ха1р даъад учреждениебыр Рыково поселокди ад ва Геническади ад медицинский страхованиедид филиал, Херсонский областе.
Эккед гьугъалбыр ад йыгъырма сиене джываб гъад властед органмыра, муниципалитедмыд структурамыра, аварийный службамыра йыгъа-выше гвалах ваъара ай. Вешехъаъ балад спасателеше, тукмыд ва коммунальный гвалахмыд къуллухчийше, гаджадкьы1р гьугълахда ва мыкьынихда, ч1ир йишид, лукуд джигабыр дюз-дюзгин хъаъара ай, сихъиргара халма йа1кв не хьед. «Дагэнерго» идарадид къуллухчийше основной тукад сетьмыд ч1ирид ербыр дюз хъыъыри. Гьа гвалахмы сивигыр ай...
РД-над Халкьдид Маджлисед президиумара Заур Аскендерова выгыд ашкара гьыъыр выгыргасды йыгъ 47-хьусды сессия парламентед йывыдхьусды созывад, регионад иджласад пресс-службадире выъыд хабардихьван. Сессия викиси 23–хьусды сентябрес сагьа1т 10-дис Махачкалди. Гьа йыгъа агъмиш гьаъас повесткади кийир ад 33 суал. Каникулмыла хъуъды сахьусды президиумад иджлас ачых ваъади, РД-над Халкьдид Маджлисед Седрие Заур Аскендерова гьухьур, гвалах лувза джывыъыр выгыргара...
Сечкимыд сесбыр выс иштрак гьыъыр ай 6 шегьердид ва 38 муниципальный районмыд инсанаше, сиене сыт1 сесбыр ийир сечкима 1.3 млн. балад дагъыстанабише. Избирателешды явка эккед виъий, са Махачкалди гьа вишир ай 75 % . Сергей Меликова гьухьур, выдж шад йиъи — балад инсанаше йыдкьыр джуьхьды сес ивир. Гьание гьухьур, мыкьлад гьавыдыхда гаджадкьы1р, сасад джигима йиз...
Каспийскади «Дагдизель» заводад ма1хлиди выгыр а торжественный мероприятие, гьади заводад площадес выр Сталинед дур ва ачых выъыр мемориальный плита генералиссимусас Иосиф Виссарионович Сталинес. Шегьердид округад администрациедид хабардихьван, гьадис гюре гьади ягъмиш дишир ай шегьердид кьухьдыбыр, заводад кьухьдыбыр, ветеранар ва мадды юлдашер.
Махачкалди, дружбадид Хала, гьувга выъыр ай «Сильные духом»-хьур документальный кино специальный военный операциедид йигитешиклады на ва гьабишды нинабашиклады. «Сильные духом»-хьур кино выъыд СВО-ди йикьид иштракчиед нин риъи — Мехрибан Муслимова, гьа риъи «Сила матерей»-хьур регионмыд халькьмыд организациедид учредительница. Гьание гьа кинолентади гьагва гьыъыр а ихьды эскерешды йигитвалдыбыр, гьабишды Ватан хъывгынвалды ва подвигбыр. Киноере гьагва гьаъара...
Дагъыстанад Кьухьние Сергей Меликова выгыр ай гвалахад иджлас Правительствадид членешихьван ва мадды республикадид кьухьдыбишихьван. Гьади гьагва гьыъыр ай сахьусды лаазимды гвалахбыр, гыргасды сентябрь вазыра, выъыд республикадид кьухьнийды пресс-службадид хабардихьван. Кувч1ур ад вазыра кьуле йыгыр йыгад сахьусды кьул хьибыд блок гвалахмыд анийиъи. Регионад Кьухьнийды кьимитдыхьван, сахьусды политикадид гвалахад – сечкимыд кампание, выгыргасды региона сесбыр ахад Единый...
