Дагъыстан Республикадид Правительствадид Седри Абдулмуслим Абдулмуслимов гвалахбыр гине Запорожский областе ад Михайловский районди йыркьыйне джухьван виъид эккед дагъыстанабишды делегациедыхьван сыт1 тааныш йишир яшайишес лаазимды объектмыхьван, Дагъыстандады устараше гъилы лахъахара ад, выъыд РД-над кабминед пресс-службадид хабардихьван.
Йик1ыы лихъийис, Михайловский муниципальный округ Запорожский областе ад хъуд йиъи Республика Дагъыстанахда подшефный ер ка. 2024 сыда кьарар эгъет1ир ай дюз-дюзгин хъыъыр гъилыы лихъийис, хьур, регионад 16 объект сиене сыт1а хардж выъыр гьадис 235,9 млн манут.
Абдулмуслим Абдулмуслимов йыхьыр гахъыр дагъыстанабишды бригададире усла хъыгыр ад Дома культурадид ерахда Плодородное-хьур му1къа1 ад. Агьвалат гьади гвалахбыр ка1ч1усма лап бетерды виъий. Гъийгъа объектед гьазырвалды виъи 100%.
Дом культурадид ера йыгыр ай кьуле балад гвалахбыр, усла хъыгыр ай къав, йыгыр а отопление, ы1хы1р а ц1инды гъу1либыр. Гъийгъа гьади инсанашда йыдкьы1р гадхъа1с руъура киномыхда, гьадыла саваенди хынимешис ва джигьилешис гьади гыргара а творческий дарсбыр. Премьер-министре устарашды гвалахмыс эккед кьимет выри, сагъул-варулбыр гьыъыр саламатна выъыр ад гвалахад бадаана, Ватандид сиене гвалахмык джуьхьды пай кивинис гюре.
Дагъыстандид делегация гене тааныш вишир гьаъара ад Михайловский областе Тракторное-хьур му1къа1 Дом культурадид ремонтный гвалахмыхьван. Гьамыхда гахъыд вахтинди Абдулмуслим Абдулмуслимова йыхды кьимет выр гвалахмыс гыргара ад объекта устараше, подрядчикне виъид ООО «Лидер-Строй». Тракторное-хьур му1къа1 ад Дом культурадид ремонтад гвалахбыр гъийгъа кьуле йыгыр а 60% йыхы1р — биссамятди миди йисды конструкциебыр эхъет1ир бегьем гьыъыр а, арматурамыд поясед заливка гьыъыр а ва гьазыр гьыъыр а пол аъасды джил. Йик1ыы гъа дегиш гьаъас чардах, фасад, ракбыр, электропроводка, отопление, сасад гъу1либыр ва ремонт гьаъасды йиъи санитарный комнатабыр.
Премьер-министред ч1илмыхьван, сиене гвалахбыр мидыла хъуъ ки кьуле гыргасды йиъи плындире ягъа1дкал. Сиене гвалахбыр гыргара а гьагва гьыъыр ад графикехьван. макъыет йиъине лазимды службабыр.
Михайловский районад Кьухьние Вячеслав Бедняка ва му1къу1д кьухьдыбише сагъулбыр гьыъыри му1къа1 йыгыр ад объектед ремонтад бадана, мидийкьама джишир ад гьа объект ремонт гьаъас 1897-хьусды сыдыла хъуъ.
«Шыв му1къ виъи клуб адишды! Сагъул Дагъыстанас куьмег гьыъыд!», — гьухьур сабыйды ерлид инсындире.
Тааныш йишид «подшефный» социальный объектмыхьван Михайловский районди Абдулмуслим Абдулмуслимов гене гакьыр шууна еримиш йиъиди гвалахбыр гыргара ад объекта МКУ ДО «Центр Олимп»-хьур поселок Михайловкади Запорожский областе. Гьа объектед Подрядчик йиъи ООО «Лидер-Строй», гьазырвалды объектед гъийгъад йыгъа виъи 47%.
Дагъыстандид устарашды бригададире балад гвалахбыр гьыъыр а эхъет1ир йисды къав, полбыр, потолокбыр, йисды тукад шунурбыр. гьамыхьван сыт1а бегьем выъыр а арматурамыд пояс ва луза гьыъыр гьазыр йиъи усуд конструкциябыр ц1инды къавыд монтажес.
Дагъыстанад Премьере йыхды кьимет выр йыгыр ад гвалахмыс, гьухур, спортад объект ачых йишин гекъийкъат йыхды гвалах викис Михайловкади ад инсанашис.
«Гъилы лихъийид спортад объектере мукъу1 усул хъывгыныла саваенди ала лаъ диъид хынимешда йикис мааки йыхана спортахьван мачхул дикис, ва гьабишис гьадис гюре йыхды тербие выс.
Уфтанды комплекс йишийне джигьилешда йикиси иштрак гьаъас ха1р джура соревнованиема, гьамыс лазим йиъидкал гьазыр дикис, хайирехьван вахт ливис. Дидабашис ва нинабашис гьац1ас, джуьхды хынимеше тренерешды хылихьде гине ливис вахт два1ршис хайир йикисне», — гьухьур премьер-министре.
Ха1р сыда 2023 сыдыла хъуъ яшайишес лаазимды объектбыр дюз-дюзгин хъаъас Михайловский районди республикадире сиргара 200 млн. балад тангабыр. Михайловский районад Кьухьнийды Вячеслав Беднякад ч1илмыхьван, сахьусды кьул гъилы лихъийир а балана йыхды яшайишес лаазимды объектбыр.
Республикадид куьмгихьван к1алба-усла хъыгыр а ва гъилыы лихъийир а площадь «им. Сушко Ивана», МФЦ ва кинотеатр. Премьер-министр гахъыр дюз хъыъыр ад объектмыхда, гьа гедене Абдулмуслим Абдулмуслимов тааныш йишир ай гене ремонтад гвалахмыхьван, гыргара ад Михайловский райондид администрациеди.
Сиене гвалахбыр бегьем йишидаа Дагъыстанад делегациедире лихьир быч1быр «Вечный огонед» памятникяа Плодородное-хьур мукъа1 ад Михайловский районди. Таарихтид памятник дюз хъыъыр усла хъыгыр ай Дагъыстандады устараше не ва аварийный бригададире. Гьадийк1ама гьа мемориала ц1ай люк1ур адиший 30-ды сыда. Гьади гвалахбыр гыргади йыгыр ай ц1инды газад турбабыр ки ва аа-уу гъигъе выъыр ай гьа памятникед ер ки быт1рад усла выгыр.
Абдулмуслим Абдулмуслимова гьухьур, мидыла хъуъ ки гыргаси луза джыъыр ремонтмыд гвалахбыр Михайловский районди. Дагъыстанара мааки хыл-худ вырыхы1ре а подшефный регионас ва сидиргара а устарар гъилы лихъийис яшайишес лазимды объектбыр, вай-виран гьыъыр ад да1гьвидире.
