Гене са гуманитарный куьмгид партия ливкьа выъыр а специальный военный операциядид зонади Дагъыстанад Кьухьнийды Сергей Меликовад поручениедыхьван, выъыр гьасад хабар республикадид кьухьнийды пресс-службадире.
Куьмгид бар хана дыхьыр ай РД-над Кьухьнийды ва Правительствадид Администрациедид кьухьнийды заместитель – РД-над Кьухьнийды информационный политикадид ва пресс-службадид Управлениедид начальник Рашид Акавов, регионад Кьухьнийды помощникер Саид Маматханов и Мурадхан Муртузалиев, Хасавюрт шегьердид кьухьды Корголи Корголиев.
Гьабише добровольческий «Каспий» ботальонад эскерешде выр ай сиене джваIршис лазимды карбыр: дронмыла, транспортмыла ва запчастимыла каIчIур валыг силгъад машинмы, холодилникяа ва садырхад мишухмы йыхыIр.
«Маа гене са эккед гуманитарный куьмгид бар йибкьыр а ихьды хъывгад ва виригъ мысга гъад Дагъыстанда. Шыв лазим йиъид хабар вишир мадана, гьассагьаIт Дагъыстанара вырыхыIре хыл эскерешис. Эккед сагъул-варул гьухьус йыгара сиене дагъыстанабишис, джураана кьухьды сагъул ваъара Сергей Алимовичис, йикIиыла утха джыдыъынис гюре ихьды гадиер. Е чIел адишне Гъаалиб дикис!», – эскерешды суруула сагъул-варулбыр гьыъыр атамана Владимир Савченкора.
Гене йикIыы лахъахара, регионад Кьухьные эккед убур рыхыIре СВО-дид иштракчийшис куьмег вынид сураа. Дагъыстандире даIгьвие сигыр а шумуд иди гьагъзыр тонн гуманитарный куьмгид бармыд.

Б. МЫХАIДЫ