Дагъыстан Республикадид Правительствадид Седрие Абдулмуслим Абдулмуслимова выгыр ай Оперативный штабад иджлас республикади Дербентский районди Рубас му1къа1 ад «Рубас»-хьур туристешды базади абыр кефсыз дишир, хьур, РД-над кабминед пресс-службадире выъыд хабардихьван.
Агъмиш гьаъад вахтинди гьа суал иштрак гьыъыр ай РД-над Роспотребнадзорад кьухьдыбише, Минздравара, Минобрнаукадире ва маддыбише.
Гьа йыгъа ГБУ РД «Дербентская ЦГБ»-хьур духтурханадид инфекционный отделениеди кют1е дыъыр ай 20 инсан, гьабишикла 3 кьухьды инсанар ва 17 хыных кишечный инфекциедире кефсыз дишид. Духтурашды ихтилатахьван ядал гьабишды бала юкьды диш.
Биссамятди йыгын бадана эпидемиологический ахтармишвалдыбыр ва кьуле гыргын бадана противоэпидемический гвалахбыр айгуламиш дишид джигиди сидигыр а Дагъыстан Республикадид Роспотребнадзорад къуллухчиер, выгыргара а гвалах, гьац1ара гьаъас, хьур, гьила ва шууна гьабишик киджидхъыд йиъиди гьа ядал, гьидире ва шууна иди гьабишис йыхы1д гьа инфекция..
Минкир виъи гьабишис выгыйне экскурсия сабыйды республикадид районди группадире йыгъа люъуд улесдидиклады йишинис гьа инфекция. Противоэпидемический гвалахбыр гыргара а «Рубас»-хьур туристешды базади ва му1къа, гьили выгыр айди экскурсия.
Едебишда гьади мадана духтурханади лешур ай клинический материал йыгын бадана бактериологический ва вирусологический ахтармишвалдыбыр.
Гьа агьвалат вац1ара ваъас сес выъыр а сиене лаазимды службамыд къуллухчиер. Сиене кют1уьр абишис вылц1ара а духтураше кюмег.
Абдулмуслим Абдулмуслимова тапширмиш дыъыр тааликьды кьухьдыбыр сиене гвалахмы лаазим йиъидкал макъыет диш, хьур, ва джат1ур агвалатад бадана джус хабар ваъара ваъ, хьур.