Махачкалди поездмыд вокзала йыдкьыр ай 10 хыных нинабар хъуна Донецкий Народный Республикада. Гьабишды рыкъаI йыбкьыр ай дагъыстанабишды делегация республикадид гвалахад министред заместителехьван Абдулкерим Абдуллаевыхьван. Едед хынимешды, 4-дыла 14 сен йишир ад, кьвунды хаIфтидид арыди джанбыр джанды хъыгасды йиъи республикадид гвалахад Министерствадид ребилитациемыд центрма.
Дагъыстандады эскер Ранита Мамедовара иштрак гьаъара а Украинади гыргара ад спецоперациеди. Гьа риъи радиосвязист разведкадид ботальона специальный военный операциедид зонади ад. Мамедова Дербентдады риъи, хьурагине ки эскерваIле ришид.
Каспийск шегьердид больницади гвалаха дыъыр а cпециальный военный операциеди иштрак гьаъабишды бегедед 17 инсан. Каспийск шегьердид больницадире вылцIад кюмгила гъайри специальный военный операциедид иштракчийшис, гьабишды хизынмыд инсанар гвалаха ки кьабыл дыъыр а. ХаIр гьасад гвалах выгад инсанад суал лазим йиъидкал кьуле гыргара эгер ер ана йишийне халкьдид организациемыхьван, эскерешихьван сытIа меслягьаIтбыр гьыъыр.
Дагъыстан Республикадид информациедид ва печатад Агентстводире Запорожский областе ад подшефный Михайловский района сивигыр ай эккед партие гуманитарный куьмег высды кардымыд. Мысга ваъад ка джалахьуъ, сивигасды бар гьазыр выъыр ай гьади ешемишды инсанашис лазимды кардимыкла, гьабишис шыв сахьусды кьул йыгарди, ва улед-рагъадбыр ки кине.
Да1гьви кувч1уд йыгъа, 22-хьусды июнас, Махачкалди «Россия – моя история»-хьур паркад ма1хлиди выгыр ай ха1р сыда выгыргад сиене халкьмыд «Огненные картины войны»-хьур акция. Ми хылис акциядид иштракчийше люк1а гьыъыд 25-ды шамакла выъыр ай «Родина-мать зовет»-хьур скульптурадид шикил, саки лийчир ад дурнуймашды Дагъыстанад шаир Расул Гамзатовды бютиндуьнйады дур ад шиъирек кид. Шамбыр гьа йыгъа люк1а гьыъыр:...
Гюзет гьаъара ад лаъ хъикис хьур кьиметмыра тукад 1-хьусды июляла хъуъ минкир виъи лаъ хъыгынис хьывад кьимет ки. Гасад хабар выъыр ай сасад хьыв гьаъад Махачкалди заводмыд инсанаше. Йик1ыы лахъахара, 1-хьусды июляла хъуъ тукад тариф лаъ хъикиси 12% — 3, 94 манута йыхы1р 1 кВт-дид. Гъийгъа Махачкалди хьывад буханкадид кьимет виъи заводала 45 манут, тукундыла...
Ху1рметли Дур ад РД-над Госсоветед Седри Магомедали Магомедов ухуд йыгъад хьурагинды йыгъа Махачкалди ачых гьыъыр гьанийис гьыъыр ад памятник. Гьа монумент луза гьыъыр а шегьерди ад кьухьды рыкъы1де – Расул Гамзатовад дур гъад проспекте. Памятник сукур а Дагъыстанад Правительствадид Халыхда, Магомедали Магомедова гвалах выъыд ерахда къанна хьудды сыда, гьамыкла 15-ды сыда республикадид кьухьды йиъине.
6, 7 ва 8 июнес сиене дуьнйады гъадухъунды мусурманаше хьибды йыгъа къутли выъыр ай Курбан-байрам. Мусурман шубе, ришиймаше рюдгюр ай ха1рние джуула, джуду хизындыла гъарсыр ад малбыр, къарабыр. Ихьды Мыха1д районди баласды инсанаше гьа байрамас гъарсара къарамалбыр на ч1абалар. Сахьусды байрамад йыгъа йаьква1с сагьа1т мыйдис ихьды Мыха1д галды мездика кыъыр ай байрамад азан, гьадыла хъуъ...
Россиядид Президент Владимир Путине ваъ хьур а ц1инды байрам — Россиядид халкьмыд ч1елмыд Йыгъ, ва агъмиш ваъасды виъи гьа байрам ха1р сыда 8-хьусды сентябрес, дагъыстанабишды дур ад юкьсура шаир Расул Гамзатов гьухуд йыгъа. «Хьурагинды иджласа е агъмиш гьыъыр ай ч1елмыд политикадид суал. Гьади выр ай поручение кьабыл ваъ хьур ц1инды къаанун Российский Федерациедид халкьмыд ч1илмыд,...
Запорожский области ад Михайловский райондады 92 хыных кьабыл дыъыр Дагъыстана. Джигьил мийманаше, юкьды кьухьды инсанашихьван йидкьыр ад, лийиси джуьхьды гъы1льдид каникулбыр шегьерда гъаъна ад «Солнечный берег»-хьур оздоровительный лагере. Запорожский областес Дагыстан Республикадире кьыблахъуъ подшефный кюмег вылц1ара ад йиъи, руъуд хул-худ вырыхы1ре, гьадис гюре йишир хынимешда республикади дыкьас мисте гъы1нне ки.
