Гьадхы1д хамисды йыгъа, 27 ноябрес, Республика Дагъыстанад Кьухьные Сергей Меликова хъывылцIара ай джывабыр джамаIхтире выр ад суалмыс. Гьеми хылис выгыр ад Прямая линия Дагъыстанад кьухьнийды Сергей Меликовды виъи хьубхьусды. Дагъыстанад Минцифрадид статистикадыхьан, прямой линияди йидкьыр а сиене сытIана 650 духъунды суал. Прямой эфире Дагъстанад къухьные джываб хъывыр ай 40-ды суалас хьибды са1гьатала балад вахтинди. Баласды...
Дагъыстан Республикади Новолакский района «Росатомат» хьыблихьван тук вылц1ад станциедире гвалах ваъара кувч1ур а. Сахьусды этапа гвалах ваъасды йиъи 61-ди установкадире сиене сыт1а высды 152,5 МВт. Кьва1дхьусды этапа 2026 сыда гъилы лийисды йиъи гене 59 установка, вылц1ад 147,5 МВт. Кьва1дхьусды этапала хъуъ гьа хьыблид парк лап эккед руъура Россияди.
30-хьусды ноябред йыгъ йиъи нинабашды Йыгъ. Гьа байрам къутли выъыри хынымеше джуьхьды нинабашис. Быч1мыд дестебыр, хылире кихьид сурат1быр ва мадды хуьрметбыр гьыъыри хынимеше джуьхьды нинабашис. Ху1кийметед идарама ки уфтанна кьуле выгыр ай гьа байрам. Мыха1 ад творчествадид хынимешды Хала ки лейихене кьуле выгыр ай хьуланды байрам.
Гьеми йыгъырма Къархы-ма1хлиде мирияла хьуъ гъад машинед гъа1, дуьз-дуьзгин хъывыъыр, ц1ине хъывыъыр а. Гьа ма1хлиды ешемишды, мисагьа1тди СВО-ди иштрак гьаъара ад эскер — Гаджимурад Рагимова райондид кьухьды Сулейманов Давуд Амаевичда хайиш гьыъыр ай хьуланды гъа1 к1алба-усла хъывга, хьур. Давуд Амаевиче эскер Гаджимурадды дилег, ыхьа1 джыъыр, гьайвырды кьуле йыгыри. Гьание тапширмиш гьыъыри ЖКХ-дид идарадид къуллухчийшис сиене...
Райондид кьухьды Давуд Сулейманова кьабыл выъыр ай постановление, гьадис гюре 22-хьусды ноябрес райондид центра, Мыха1 мукъа1, йишир ай райондид джама1хтид субботник. Гьади иштрак гьыъыр ай сиене идарама ад къуллухчийше, мехьтебырмыд магьа1лимеше не хынимеше ва сиене джама1хтире. Субботник йикисмаа МР «Рутульский район»-дид кьухьные идарамыд кьухьдыбыр сыт1а дыъыр выгыр ай иджлас. Гьади хьуъ гет1ир ай субботникед суал....
Сулейман-Стальский районди Дагъыстан Республикадид Кьухьнийды ва Правительствадид Администрациедире выгыр ай зональный кустовой семинар-совещание. Гьади иштрак гьыъыри республикадид Южный зонади ад 14 муниципалитетмыд къуллухчийше, сыт1а агъмиш гьаъас халкьдид яшайишди лаазимды суалбыр. Мыха1д райондид делегациедире ки муниципалитетед кьухьнийхьван Давуд Сулеймановыхьван сыт1а гьади ерлид ербыр йыха гьаъасды суалбыр агъмиш гьыъыр ай.
25 ноябрес Дагъыстанад Правительствади ха1сил дишир ай регионад Кьухьды Сергей Меликов на чемпион UFC Ислам Махачев. Сахьусды кьул Сергей Меликова къутли выъыр Ислам Махачевас таарихдид гъаалибвалды, гьухьур, гъийгъад йыгъа гьанийхьван лийкьыд адиш. Йик1ыы лихъийис, дагъыстанабишды смешанный единоборствамыд боец йишир а сахьусды российский боецешикла лювшуд кьва1б чемпионский пояс UFC кьвунды веса.
Махачкалдид шегьердид кьухьнийды Джамбулат Салавовад хабардихьван, сертификатбыр ва ц1инды халмыд ачарбыр джу выр ай дид-нин адишды, етим хынимешис. Генеки ц1инды халмыд иессиер дишир а 5 СВО-дид иштракчиер. Махачкалдид мэред ч1илмыхьван, мистед сыда регионад бюджетекла гьа гвалахбыр кьуле йыгын бадана сигыр ай 42,6 млн манут, гьа тангымык лешур анийиъи 9 ма1хкамды, сыкьы1с йикисды халбыр.
Прикаспийский регионмыд губернаторашды Сахьусды форум беслемиш вуруъура а Решт-хьур шегьерди иранский Гилян провинциеди, регионад правительствадид пресс-службадире выъыд хабардихьван. Форум выгыргара ад йиъи арабыр мааки йыха гьаъас, хьур Каспийский дерьягьад къирхыда хад регионмыд, гуджли гьаъас, хьур экономикамыд, культурамыд, туристешды ва экологиядид арабыр.
11 ноябрес МР «Рутульский район» -дид администрациеди выгыр ай гвалахад иджлас му1къмыд кьухьдыбишихьван. Иджласа иштрак гьыъыр райондид кьухьние Давуд Сулейманова, гьанийды заместителеше, хьибды райондид военкомара ва маддыбише.
