Махачкалди Расул Гамзатовад дургъад проспекте, 43 Национальный библиотекади беслемиш йишир а эккед ярмарка гадийше мехьтебе лаъасды валыгмашды «Dimark»-хьур фирмадид. Ярмаркади инсанашис гьагва гьаъара а гьамыъды, гъийгъад услад гъеблид парчидикла гьыъыр ад мехьтебе хъуIдиди лаъасды валыг. «Ес гьацIара ихьды валгыд уфтанвалды, кьимет ва гьадыла е гьабыр леш рухьура сиъин инсанашде Россияди ад», — гьухьур фирмадид къуллухчиере...
7-хьусды августас Дагъыстан Республикадид Правительствадид Седри Абдулмуслимов Абдулмуслим Мухудинович йыркьыр МыхаIд районди, зиянбыр выр ад эккед гьугълумыра . ЙикIиы лихъийис, 26-хьусды июляла 28 июля йыкьама Дагъыстана сасад районма лугъур ай эккед гьугъалбыр, зиянбыр выр, гьадис гюре йишири районма чрезвычайный ситуациебыр. МыхаIд района Самур нацIурура, гъаъ игъибхьур джуды къирхыма, гейир километр нацIурды къирахад ва гьатIва гьыъыр...
6 августас МыхаIд райондид кьухьды Давуд Сулейманов хаIсил йишир ай Салам Шафидиновичем Магомедрагимовахьван. МыхаIды Салам, йикIяа лузуд ниятахьван йигитне Украинади гыргыра ад спецоперацияди иштрак гьаъас йыхьыр ай. Гъийгъа ихьды йигит хъиркьыIр ад йиъи отпускади. Давуд Амаевиче выдж Саламыхьван хаIсил йишид кал кьихьир ай джуды телеграм-канала. Сво-дид ихтилатбыр, гьади ад гьакьасабыр сиене инсанашис лазимдыбыр йиъи. Гьадис...
Дагъыстандид таарих хьуъ гетIесды йишихьвна, йес гьада гьагуси бала агъырвалдыбыр ва джетинвалдыбыр йишид вахтбыр ихьды Дагъыстанас. Мидыла 25 сен улихьде, август вазыра, Дагъыстана дагьвиед агьвалат вишир ай: 7-хьусды августас 1999 сыда Басаева на Хаттаба гъилы лийир ад бандформированиебыр Чечнидид суруулады саргъаIтала игъитхьур йидкьыр Дагъастан джухьды хылихьде ваъас хьур ниятбыр йикIиы гъана.
Мидыла хьурагинды газета е гьугълумыд, дегиш вуруъура ад гьавадид ихтилатбыр лийир ай. Гьади е гьухьуд ка, ихьды МыхаIд районди маа лугъур ай гьаатхыIд вханниед йыгъырма. Ми хылис садаки джулгъуд ка суткIады 27-хьусдыла 28-хьусды йыхыIр джатIур гьугъара йишири сиене районди. МЧСед службамыра хьурагинды йыгъырма тапширмир ки дыъыр ай инсанар, гьугъалбыр йикис, хьур, амма мисе балад гьугъалбыр...
31 июлас Россиядид Президенте Владимир Владимирович Путине игъивир а цIинды Указ №644 «О ЕДИНОВРЕМЕННОЙ ДЕНЕЖНОЙ ВЫПЛАТЕ ВОЕННОСЛУЖАЩИМ, ПРОХОДЯЩИМ ВОЕННУЮ СЛУЖБУ ПО КОНТРАКТУ В ВООРУЖЕННЫХ СИЛАХ РОССИЙСКОЙ ФЕДЕРАЦИИ» хьур дур гъад.
Каспийск шегьерди выгыр ай РФ-дид ВМФ-ад тааликьды байрам. Гьади иштрак гьыъыр ай Дагъыстан Республикадид Кьухьды Сергей Меликова. Ми байрамад мероприятиемыд арыди сиенемыла гуджлине йыгыри Каспийский дерйагьа Ирды пайдах хад Каспийский флотилиядид гемимыд парад. Миди контр-адмирал Олег Зверева ва генерал-полковник Сергей Меликова эскерешды «Альбатрос» катера люздир гьыъыри морякашис джухьды байрамад йыгъ нубараг.
Йывыд-мыед сен йиъи МыхаI машмашбыр хъиджишир ад. Хьад ачых йишид вахтинды сюхьте бытIрана сибгIырай, машмашере йыхана бычI гьыъыд гедене, уула хъулгъур йиз, сывхыIр мыкь сиене машмашед агъагъур ад бычI сихъигъир сахъаIгъуIрей хука са емиш ки хъиджвикисне.
Ми йыгъырма ихьды къумшиди мийманваIле йиркьыр анириъи авар-миллитдиклады Каспийск шегьерди ешемишды джигьил-хьыдылды. Гьа ихьды мида-мидиъды МыхаIд муIкъуIд дамад-дарад шилвалы на чIирид-чIыкыд бытIраваIли, мирима ад хьидид ва гьавыдид серинваIли бала гуямиш ришир анириъий. Са гьаIфтидид арыди гьабыр хьиба-юкьа хылис дыхьыр ай аъ Лалаъан дериде, ва сецIедылады, балад хырыдад мамзила джытхьыйне ки. Гьадаа гьабише ягъмиш гьыъыр ай...
Гьавымыкла ихтилат кейихьвна йыггад ихьды инсанахьван, сиъинбише рухьуд ихтилат са йиъи — джалахьуъды гьаваабыр мадиш, гьаваа сен сыдыла дегиш вуруъура а хьус. Инсындис сиене кьадарна йыгара — сигIын, гьугъал, йиз, хьыбыл, гыбыл, амма Элигъание еда хулкардиш, шыв гьаваа мыс викисды.
