Ноябыред ахирес Дагъыстан Республикадид Кьухьные Сергей Меликова выгыргаси ха1р сыда выгыргад «Прямая линия» республикадид инсанашихьван.
Гьадис гьазырвалды ваъасды суалад бадана выгыр ай гвалахад иджлас РД-над Кьухьнийды ва Правительствадид Администрациедид кьухьнийды заместителе — регионад информационный политикадид ва пресс-службадид Управлениедид начальнике Рашид Акавова.
Иджласа иштрак гьыъыыр ай властед органмыд ва республикадид СМИ-мыд къуллухчийше. Гьади агъмиш гьыъыр ай сахьусды кьуле йыгыр йыгад викисды «Прямой линиядид» суалбыр.
Иджласад иштракчийше гьац1ара гьыъыр кьуле гыргасды форматбыр ва ербыр гьа гвалах выгыргасды, саки суалбыр технический обеспечениедид. Джураана лаъ гет1ир ай суал республикадид телеканалма гыргасды прямой трансляциедид, гьадыла саваенди агъмиш гьыъыр суал шууна гыргасди онлайн-вещание социальный сетьма на мессенджерма.
Джурад убур выр ай гьакьасабырмыс, шууна ягъмиш гьаъасди суалбыр на предложениебыр сигасды на гьаъасды Дагъыстанди ешемишдыбише.
Иджласа гене хьуъ гет1ир ай суал, шууна кьабыл гьаъасди обращениебыр, руъуд гьа арыди ва гьамыд к1ыбди йыгын анализ.

Б. МЫХАIДЫ