Дагъыстан Республикади ад РФ-дид Социальный фондара бала хъаъара а высды куьмегбыр специальный военный операциедид иштракчийшис.
Гьадид пресс-службадире выъыр ай хабар, федеральный законодательствади гвалах ваъара ка1ч1ур ад поправкамыхьван эскерешда, дагьвия инвалидер дишир хъидкьыд, лювшус йикиси ху1кийметед пенсие. Гьа выплатабыр выси джва1рше Соцфондад идаради дыхьыр хайиш джыъыр ки.
Ц1инды правилабыр тааликь руъура добровольческий формированиемыд иштракчийшыла гъайри (улихьде гьаса йиъий), эскерешис ки хусуси военный кампаниема ад ва мадды идарама ад, куьмег гьаъад РФ-дид Вооруженный Силамыс. Гьадыла саваенди, ху1кийметед пенсие лювшус йикиси инсанашда, арми ливид эскерешды формированиема ва органма ДНР-дид не и ЛНР-дид, 11-хьусды май вазырыла хъуъ 2014 сыда, эгер инвалидность вишид виъинекухъ да1гьви себеб вишир.
Ху1кийметед пенсиедид размер асыллы йиъи инвалидед группадыла ва виъи:
— 26,5 гьагъзыр манут (300% социальный пенсиядид) инвалидешис I группадид;
— 22,1 гьагъзыр манут (250% соцпенсиядид) инвалидешис II группадид;
— 15,4 гьагъзыр манут (175% соцпенсиядид) инвалидешис III группадид.
Гьа манутмыд ха1р сыда руъура индексация. Гене гьагва гьыъыр а доплатабыр 2,9 гьагъзыр манут ха1р хынхыс (хьибды хынхыйыкьама).
Пенсиядид ешды ледкьыйне СВО-дид ветеранашис, лепшуд ху1кийметед инвалидный пенсиебыр, ихтияр а лювшус кьва1бхьусды пенсие — страховой пенсие еш гъийкьыйне са ки выслугадид сенбыр гъийкьынид пенсие силовой ведомствадид гвалахалад.

Б. МЫХАIДЫ