РД-над Правительствадид Седри Абдулмуслим Абдулмуслимов ха1сил йишир ай РД-над финансамыд врио министрехьван Шамиль Дабишевыхьван. Гьабише сыт1а итогбыр йыхы1р бюджет лаъ йишидид.
Гьухьур ай, мистед сыда 10-ды вазырди арыди налогмыд ва мадды доходбыр республикади йишир а 51,9 млрд манутбыр. Гьа 12,5% йыхы1р бала йиъи, гьа вахтинды йикис хьур фикирди адмыла, ва сиене сыт1а йиъи 92,1% сыдыд бюджетед назначениемыд.
Гене анийиъи хьур лаъвалды гьаатхы1д сыдыд гьа вахтиндыхьван хихьийне — 36,7% йыхы1р.
Налогмыд поступлениебыр республикадид бюджете ми вахтинди йиъи 41,5 млрд манутбыр.
Мадды доходбыр ки лаъ йиъине а, лийкьыр 10,3 млрд манутмы йыхы1р – гьабыр 13,2% йыхы1р лаъ и сыдыд плындыла, ва 2,2 хылис бала йиъи шесды сыдыыла.

Насир ИБРАГИМОВ