Дагъыстанди мидыла хъуъ ихтияр адиш интернетма лиес теракт йишидид, ВСУ-ед дронмыра гьилига снаряд сыхы1дид ва миноборонадид къушумбыр ад джигидыд видеобыр, шикилбыр ва тисе ихтилатбыр.
Гьасад кьарар къул диъир тестикь гьыъыр а Дагъыстандид кьухьние Сергей Меликова.
Гьа кьарарад сахьусды везифе виъи — джама1хтид а1хтиетвалды гюзет выъын.
Хьуланды документ кихьир ад йиъи Россиядид Президентед Указ кьуле гыргас, хьур.
Гьадис гюре мидыла хъуъ ихтияр адиш СМИ-ма, интернетма сигас шикилбыр, видеобыр ва тисе ихтилатбыр теракт йишидид ва мадды диверсия вишидид агьвалатбыр гьагва гьаъад. Гьадыла савае, гьаъ сигыр йигардиш ВСУ-дире сигыд дронмыра выд зиян-зарармыд сведениебыр.
Гьадыхьван сыт1а гъаъ гьац1ара гьаъас ихтияр адиш ПВО-мыд гвалахад на Россиедид Миноборонадире выгыргара ад радиоэлектронный да1гьвиед агьвалатад ихтилатбыр.
Генеки ихтияр адиш военный объектбыр, дронбыр халкьад системабыр, ТЭК-быр ва мадды гьасад джигабыр ашкара гьаъад сведениебыр гъаъ сигас.
Хьуланды информация ашкара гьаъас ва лазимды сайтма лиес ихтияр выр ани виъи тааликьды структурамыс.
Гьемисед ограничениебыр мидыла улихьде гине 30-ды региона ки вводить гьыъыр анийиъий.

Зарема ИСРАФИЛОВА