Саласадид йыгъа ГБУ РД «Этномедиахолдинг Дагестан»-хьур дур гъад идаради йиркьыр ай ц1инды кьухьды Абдуразак Джамалутдинов.
Гьади иштрак гьыъыр ай Этномедиахолдинг «Дагестан» — ад къулухчийше сасад газетмыд баш редактораше ва журналистеше.
Дагинформад кьухьды Арсен Юсупова таныш гьыъыри ц1инды кьухьды гьа идарадид къулухчийшихьван. Гьади Арсен Газимагомедовиче мисе гьухьури Абдуразак Джамалутдинов ихьды журналистешды гвалах йыхына вац1ад инсан йиъи.
Абдуразак Джамалутдинова гьыъыри сагъулбыр, зак умуд кине зада мисед идарадид кьухьвалды выр а хьур.
«Ихьды бырдж йиъи ад гьадат-нубатбыр суга джыъын, йыгъ-йыгъала гьабыр генеки лаъ йыгын гьеми вахтиндыхда гадкъы1р»- гьухьури гьание.
Ц1инды кьухьные генеки гьухьури, ихьды гвалаха балана убур йыхьыси лаъ-хьуъ йикисне дагъыстандид халкьмыд газетбыр.

Б. Мыха1ды