Эккед гьугъалбыр ад йыгъырма сиене джываб гъад властед органмыра, муниципалитедмыд структурамыра, аварийный службамыра йыгъа-выше гвалах ваъара ай. Вешехъаъ балад спасателеше, тукмыд ва коммунальный гвалахмыд къуллухчийше, гаджадкьы1р гьугълахда ва мыкьынихда, ч1ир йишид, лукуд джигабыр дюз-дюзгин хъаъара ай, сихъиргара халма йа1кв не хьед.
«Дагэнерго» идарадид къуллухчийше основной тукад сетьмыд ч1ирид ербыр дюз хъыъыри. Гьа гвалахмы сивигыр ай 60 бригада: 180 специалистер ва 60 техникадид единицабыр.
Гвалахмык гьадимадана ка1ч1ур ай Единый операторад специалистер ки. Подстанция «Приморская» хьидире лювшудыла ва ц1ам йишийне КОРа ад хьед, халма хьед джетинне вылц1ара йишир, амма джубра хъуд йаьква1с сихъигыр ай хьедбыр. Гьугъад йыгъырма инсанашис ва идарамыс йихире ай хылихьван ва машинмыхьван хьед.
МЧС-дид къуллухчийше откачивать гьыъыр ай хьедбыр подстанциема, идарама ва халма. Еринды спасателеше гьыъыр ай лазимды куьмегбыр. Биссагьа1т гьац1ара гьаъара а, шудаъ выр ади зиянбыр ва социальный объектмыд агьвалатбыр.
Республикадид Кьухьние сагъул выъыр сиъинбишис, гьал гьа йыгъырма джат1ур гвалах выъырди: МЧС, «Дагэнерго», Единый оператор, районмыд службабыр, Минприроды, МВД, Минэнерго, Минтранс ва мадды структурабыр.
Вишид агьвалат агъмиш ваъасды йиъи бегедене оперативный штабад иджласа Сергей Меликова выгыргасды.

Б. МЫХАIДЫ