Дюз хъыъыр к1алба хъыгыдыла хъуъ октябрь вазыра гвалах ваъара кахъа1ч1ус хынимер мехьтебе дуруъус ха1р даъад учреждениебыр Рыково поселокди ад ва Геническади ад медицинский страхованиедид филиал, Херсонский областе.
«Облремстрой»-хьур идарадид кьухьние Евгений Урецкие выъыд журналистешис хабардихьан, гвалахбыр кьуле гыргас ишлемиш гьыъыр ай материалбыр, сигыр ад Российский Федерациедид балад регионмады, гьамык кине геджеч1идхасды плитка ки, сивыгыр ад Дагъыстанад республикадире.
Гуманитарный куьмегне Дагъыстанад делегациедире Правительствадид Седри Абдулмуслим Абдулмуслимов кьуле гине выр ай Херсонский областес 70 тонн керамический плиткадид, дагъыстанабише выъыр ад.
Евгений Урецкиед ч1елмыхьван, «Ц1ине хъыьыр к1алба хъыгыр ай къавбыр, масбыр ва джилбыр. Бегьем руъура а тукмыд гвалахбыр ки, гъилы лихъийир а котелбыр ки. Ц1ине ки хъывыъыр ва темиз ки гьазыр выъыр а отоплениедид система. Сигъасна аъсуруу гъигъе гьаъара а гъу1любырмыда хад кьа1рбыр гьамыъды ц1инды материалмыхьан».

Б. МЫХАIДЫ