Гъийгъа, 31 августас, МыхаIд районди, сиъин Дагъыстана ка, йыгыр ай республиканский субботник. Гьадис гюре йаькваьс мадана инсанар, сиене идарама гвалах ваъабыр хыл-хыле выр гъаъ агъаIчIур хала, иштрак гьаъас хьур гьа мероприятиеди. ХаIр идарадид къуллухчийше чалыш дишир выъыр эккед гвалах джуьхьды идарадид аа-уу хад ер-юрта, маIхлима, аъна кабинетма. Йыхана иштрак гьыъыр ай субботнике мехьтебырмыд телебийше, магьаIлимеше,...
2 сентябрес кьылевыъынмыд идарама МыхаIд районди байрамад шадды атмосфера ай, гюзет гьаъара шивди йыхды ва шадды карбыр йикис хьур. Торжественный линейкабыр, деринды чIелбыр, гъигъды яIхъбыр сахьусды класса дуруъура ад хынимешды — гьамыра сиъинмыра гьацIара руъураай гьа йыгъа хынимер мехьтебе хъуIдире ад.
Дагъыстанабишды йигитеше бала йыхана иштрак гьаъара а специальный военный операциеди Украинади гыргара ад. Ихьды баласды гадийше даIгьвиди джваIр лап дирибашене гьадгва даъара, гьаъара эккед подвигбыр. Гьадис гюре гьабишис вылцIара а эккед наградабыр: орденбыр, медальбыр, Йигитешды хаIдийбыр. Дагъыстанад Кьухьнийды дуруу, дидис-нинис сихъиргара а командованиедире кагъатбыр, эккене дирзере ад ихьды гадиер, сагъул-варулбыр кид, гьабишис выр ад йыхды...
О, заблудшие, обратитесь к истине, не отвергайте вековую мудрость Дагестанского народа! Герек диш вырды имам – ГIынчид бес виъи Салам; Ватан виъи, гьей АIлам, ЙаIгь — ламысдид йикI — маIъдам ! В чуждых нужды нет вождях! В Божьих опора словах, Честь и Отчизна в умах, Вера, Надежда в сердцах! 25 лет разгрома бандформирований в Дагестане...
Гене 15 инсан, гьабишикла хьибыр мадды хуIкиметмады, РФ-дид Миноборонадыхьван контракт китIид, Дагъыстанда гьаадхыIр а специальный операцие гыргара ад зонади. Узбекистандады Зухредин Джалаловас иштрак гьыъын СВО-ди – ачыхды раIхъ виъи российский гражданство лювшун бадана.
Дагъыстан Республикадид Правительствадид Седри Абдулмуслим Абдулмуслимов МыхаIд района йыркьыйне тааныш йишир ай вихире ад МыхаIдийкьама цIинды водопроводахьван Амсар, Кала ва Куфа муIкъбыр ки ари кине. Республикадид правительствадид хабардихьван, водопроводад гвалахбыр кьуле гыргара ад йиъи 2019-хьусды сыдыд республикадид инвестиционный проектахьван. Монтажный гвалахбыр гьаъас китIир ай хуIкиметед контракт ООО «Стройоригинал» идарадихьван 212, 9 млн. манутмыд. Гъийгъа гьа...
Даъыстанад Премьер-министр Абдулмуслим Абдулмуслимов МыхаIд районад кьухьды Давуд Сулеймановахьван ва муIкъуIд инсанашихьван сытIа тааныш йишир сабыйды приоритетный объектахьван миниципалитете ад — Сыназыра ваъара ада лувзуд цIинды мехьтебехьван. Мехьтеб гъад виъи Дагъыстанад Кьухьнийды Сергей Меликовад контроля, гьадыла хьурагине гьание выр ай республикадид Правительствадис поручение йишидыхъунди кIыбди бегьем ваъасна гьа мехьтеб.
Гъийгъа ихьды хуIкиметере выгыргара а СВО Украинадид ерымы — гьабыр таарихди сифте Россиядид ербыр йиъий. Гьамыъ ки гьади ад инсанар баласты диъи урус миллитдикладыбыр, ва гьабыр балад сенбыр и джуды чIел, таарих ва кихьин-каагъун бадана украинский националистеши хьван даIгьви ваъад Донбасди (Донецкди ва Луганскди, Харковди ва Херсонди). 2022-ды сыда ихьды хуIкимет Россия маджбыр вишири миди...
Дагъыстан Республикадид Правительствадид Седри Абдулмуслим Абдулмуслимов МыхаIд районди йыркьыйне ерлид инсанашихьван ихтилатбыр, хуткун-суалбыр гьыъыр ай, гьабишды дердимыхда хъацур ай, хуткунбыр гьыъыр ай, районди шыв гвалахбыр сахьусды кьуле йыгыр йыгарди.
Ми йыгъырма МыхаIд райондид кьухьды Сулейманов Давуд Амаевич хаIсил йишир ай сиене районди ад кьылебыр гьыъынмыд идарамыд кьухьдыбишихьван. Выгыд иджласа хьуъ гетIир ай 8 суал: cахьусды суалад баласды ихтилат йиъий мехьтебырмыра гьаъара ад гьазырваIликла, гыргара ад ремонтад гвалахмыкла, ремонтбыр вахтинди бегьем йишин бадана камды-кесдыдид.
