«Северный ветер» хьур 88-хьусды бригададид эскереше эккед сагъул-варулбыр гьыъыри Республика Дагъыстанад Халкьдид Маджлисед депутатас МыхаIд райондид суруулад Абдуллаев Шафи Кафлановичес, балана выд куьмгид бадана ва вырыхыIре ад хыл-худад бадана ихьды эскерешис специальный военный операция ад вахтинди. — Ва рыхыIд убрура, вылцIад куьмгире эскерешис лаазимды гвалахмыс ес мааки кьуве вылцIара, йисхьурди хаIр дагьвиди лирхьед къадамас выгара...

Дагъыстанад хуIкиметед магьаIлимешды университетед маIхлиди гьаъас йигара а МыхаIд райондид ки таарихед усулахьван беземиш гьыъыр ад джига. Сергей Алимович Меликова хаIр муниципалитеде тапширмиш гьыъыр ай Дагъыстанад хуIкиметед магьаIлимешды университетед гъаъна маIхлиди сихьяъ хьур джуды таарихес ва мадааниетес лейихене дуьз-дьузгюн гьыъыр ад хаIр джура миллитмыд подворьебыр. МыхаIд райондид подворьедис ки университетед маIхлиди саптыр ай кIепIир ад...

20-хьусды сентябрес Сергей Меликова выгыр ай Дагъыстан Республикадид Оперативный штабад иджлас агъмиш гьаъас хьур гьади суал, шыв гьазырвалдыбыр гьыъыр йыгаарди инсанар хумухдид призывас эскерваIле сидигас. Гьа призыв викисды виъи октябряла декабрь вазырыы йыхыIр 2024 сыда. Призывахьде гидхьусды йиъи инсанар 2006-1994 сыдырма дюхюд.

КIаъды отпускади хъиркьыр ай специальный военный операциедид иштракчи Магомедов Марат Метеевич, гьа арыди хаIсил йишир МыхаIбишды райондид кьухьнийхьван Сулейманов Давуд Амаевичехьван.

Дагъыстандид кьухьды Сергей Алимович Меликов 17 сентябрес йыхьыр ай Дагъыстанди цIинене ачых гьаъара ад центра, эскерер хаIр даъасды. Гьа центраад гвалах выгыргасды виъи Дагъыстандид хуIкииметед технический университете.

Базарад йыгъа, 16 сентябрес, Дагъыстанад кьухьды Сергей Меликов йыркьыр ай гумшиди ад Гьахтыбишды района, гакьас хьур шыв хаIле ади луза гьыъыр ад ва луза гьаъара мадад туристешды, кьылебырмыд, больницадид, культурадид, гьамыхьван сытьа кьваIд сен хьурагине выдж йыркьыр гахъыд объектбыр.

Дагъыстанад халкьмыд саваIлид Йыгъ агъмиш гьаъад йиъи хаIр сыда 15 сентябрес. МКОУ «Куфинская СОШ», хьур, мехьтебе гьадис гюре кваIчIур ай шумудъиди мероприятиебыр, лаъ-хьуъ гьаъасды хынимешды ватан хъывгынвалды, таIрих ва гьадатбыр Дагъыстанад ухуIсды, ва са ки гъигъе, гуджли ваъасды халкьмыд савалды.

Гьахтады шикилбыр рыхыIд устар, эколог ва «ЦIинды дуьнйа» газетед штатак кидишды корреспондент Юсиф Кудратович Саркаров РФ-дид фотохудожникешды Союзад членваIле керъир а. Гьание йыхыIр ад шикилмыс, ягъмиш выъыр ад шикилбыр рыхыIд устарашды комиссиядик кидбише выр ай эккед дуьзды кьимет. Гьанийды шикилбыр гьухьусна бытIрадбыр йиъи, хьур, гьасаб гьыъыри конкурса сигыр ад шикилмыд арыди. Гьа гвалахбыр гьанийды, валаетди...

Джаалахьуъ ки ад йиъий, чахутIкIа рухьуд бала мыкьлад, сынийикла-сынийик киджилхъад эзер. Гьадид даваа адишне, бала инсанар дыкьыркьарай. Гьамыъ кал гьадис духтурашда куьмег йичIере, эгер вахтинди хабар вишир, лазимды дава-дарман выъыйне.

11 сентябрес 2024 сыда Россиядид вице-премьере Александр Новака Дагъыстанад кьухьнийхьван Сергей Меликовыхьван агъмиш гьыъыр суалбыр шууна садана бала кьуле гыргасди региона тукмыд гьакьасабыр ва мадды эккед инфраструктурный проектбыр. РФ-дид правительствадид пресс-службадид хабардихьван, губернаторахьван гьаIсил йишид вахтинди меслягьаIтбыр гьыъыр ай кьабыл ваъас хьур комплексный программа тукмыд гвалахбыр дюз-дюзгин гьаъасды Дагъыстана 2036-хьусды сыдыы йыхыIр. Гьа документере гюзет...