Гене 15 инсан, гьабишикла хьибыр мадды хуIкиметмады, РФ-дид Миноборонадыхьван контракт китIид, Дагъыстанда гьаадхыIр а специальный операцие гыргара ад зонади.
Узбекистандады Зухредин Джалаловас иштрак гьыъын СВО-ди – ачыхды раIхъ виъи российский гражданство лювшун бадана.
«Зы мадды хуIкиметады йиъи, Россияди йыркьыд йиъи гвалах ваъас хьур, цIамгема гвалах выъыр, зас миди бегемиш йишири, халкь мийман йыгад виъи. Гьадыла йыгара йишир китIес контракт Россиядид Миноборонадихьван, СВО-ди руъус, гьадис гюре лювшус, хьур, российский гражданство. Ва хьели миди ешемиш йикис, хьур. Зас дацIад ихьдибишикла бала диъи контракт китIес йыгад, россиядид гражданство лювшус, хьур», — гьухур Джалалова.
Гьание гене ихтилат гьыъыр, джухда йыхды сагъды джандид кьуве а, хьур, ва хьурагине армиди ки йишид и, хьур, гьадыла гьазыр йиъи руъус эскерваIле.
Контрактникешик киниъий ихьды районди ад Гельмец муIкъаIды Ибрагим Рамазанов ки. Гьанийды ихтилатахьван, джу контракт китIид йиъи кюмег выс хьур джуды райондады гадийшис, балана иштрак гьаъара ад СВО-ди.
«Изды фикирда, гьа бырдж йиъи гьаIр инсанад Российский Федерациедид джуду ватан увухуIн, джуду бегедебыр ва мадды бегедед инсанар удухуIн. Ихьды районда бала анидиъи гадиер контракт китIир эскерваIле ад. Ва бала анидиъи гадиер ки, иштрак гьаъас йыгад спецоперациеди», — гьухьур Рамазанова.
Хьели гьание къисмат гьыъыр джухьван ан юлдашешис сагъды джан ва сагъана хъидкьын даIгьвия.
Махачкалдид эскерваIле контрактникер кьабыл даъад Пунктад инструктор Махач Баймурзаева ихтилат гьыъыр, шууна кьуле выгыргарди агитационный гвалах инсанашихьван ледшун бадана контрактад эскерваIле.
«Стационарный пунктала гъайри эскерваIле кьабыл даъад гвалах ваъара а мобильныере ки, хаIр хаIфтидис выгыргад информационно-агитационный гвалах муниципалитетма вахтинди гьазыр гьыъыр ад графикехьван. Бегедене мобильный пункт хъибкьыр ай Гунибский районда, гьади контракт Миноборонадихьван китIир ай 2 туристере, Дагъыстана йыдкьыд. Контракт килтIема руъуд цIамды йыгъбыр йиъи.Контракт килтIед инсанас выгыргара медкомиссие, анализбыр вылцIара, ва эгер сагъ йиъине йишийне — гьанийхьван килтIере контракт» — гьухьур Баймурзаева.
Гене инструктора хъухьур, сиене эскерер хаIр хъадаъара резервадид полкма вазырды арыди, гьадыла хъуъ гьабыр пай дыъыр сидиргара эскерешды частьма.
Б.МЫХАIДЫ
