Даъыстанад Премьер-министр Абдулмуслим Абдулмуслимов МыхаIд районад кьухьды Давуд Сулеймановахьван ва муIкъуIд инсанашихьван сытIа тааныш йишир сабыйды приоритетный объектахьван миниципалитете ад — Сыназыра ваъара ада лувзуд цIинды мехьтебехьван.
Мехьтеб гъад виъи Дагъыстанад Кьухьнийды Сергей Меликовад контроля, гьадыла хьурагине гьание выр ай республикадид Правительствадис поручение йишидыхъунди кIыбди бегьем ваъасна гьа мехьтеб.
Гъийгъа мехьтеб ваъад джигиди гид са каркас йиъи зданиедид. Йыдкьыбыр тааныш дишир мехьтеб лувза ваъара ад джигидыхьван, гадхъыIр дарсбыр гыргара ад йисды джигимыхда, цIинды мехьтеб бегьем вуруъума.
180-ды хынхыра кьыле ваъас йикисды мехьтеб лувза ваъара а йисды мехьтеб гид джигыди. ООО «Севкавстроймонтаж» подрядчике беслемиш гьаъади гвалахбыр, сахьусды кьул гехъвелъэре кваIчIур йисды мехьтеб, амма мадад гвалахбыр чIирине кьуле йыгыр ай. Гьадис гюре, вахтинды гвалахбыр кьуле джыгыр а хьур, китIид подрядный контракт кьатI хъыъыр.
Гьамыъ Дагъыстанад кьухьдыбише РФ-дид Минстрое сивыгыр а заявка гьа мехьтеб Сыназыра бегьем ваъасды камды тангабыр хъыгара хьур.
«Федеральный центра тангабыр йыхыIр мадана, е гыргаси цIинды конкурсад гвалахбыр. Гьа мехьтеб ихьды приоритетный объектмык кид виъи, ес хабар виъи сиене гьа мехьтебед таарихекла», — гьухьур Абдулмуслимова.

Б. МЫХАIДЫ