Ислеэнды йыгъа, 4 декабрес, Мыха1д райондид кьухьды Сулейманов Давуд Амаевич джуду кабинете ха1сил йишир ай республикадид «Мыха1бишды ц1инды хабарбыр», «Нур» газетмыд ва ц1ахы1ребишды «Соколенок журналад» баш редакторашихьван Тимур Махмудовахьван, Байрам Абдуллаевахьван, ва Валех Гамзаевахьван. Гьабишила саваенди гьади иштрак гьыъыр ай гьа мыха1бишды на ц1ахыребишды изданиемыд къуллухчийше ки.
29 ноябрес Мыха1д райондид кьухьды Давуд Сулейманов ха1сил йишир ай Украинади Россиядире гыргара ад 2022 сыдыд февраль вазырыла хъуъ специальный военный операциди иштрак гьыъыд Аран мукъа1ды Султанмагомедов Сиятин Зайналабидовичехьван.
22 ноябрес Мыха1д му1къмыд сельсовет Раджаб Гасантаев ха1сил йишир Украинади гыргара ад СВО –ди иштрак гьыъыд Мыха1ды Дарвин Давудович Кузиевахьван.
Дагъыстанад Кьухьние Сергей Меликова 20 ноябрес актуальный суалмыд совещание выгыргад гедене ихтилат гьыъыр, шууна Дагъыстанада кьабыл даъас йикисди Палестинада дахыд инсанар.
11 ноябрес Лалаъана гъад гъа1 ц1ине хъывыъыр ай. Гьа гвалахмыд гъилы-кьулы гъай ихьды аксакалар Медетхан Мамаев ва Араз Ризаков, генеки гьабишихьван ай Адлан Мамаев на Рамазан Рамазанов.
13 ноябрес Дагъыстан Республикадид Кьухьние Сергей Меликова выгыр ай иджлас агъмиш гьаъасды суалбыр, шууна высды кюмег Палестинади ад инсанашис. Гьа хабар республикадид кьухьние выъыр джуды телеграм-канала.
4 ноябрес йоква1д кубала хъуъ Мыха1д галды мездике гьыъыр ай хайир-дугьа1быр Палестинади, Газади ад ихьды мусурман шубе-ришиймашис. Гьыъыри делегбыр сиене дуьни-дуьнйады гъадухъунды мусурманашис йыха йиший хьур, сабыр вий хьур, Палестинади, ачых ха1л йишир, да1ви лапт1уй хьур ва гьа да1види дыркьыр ад шубе, ришиймашис дженнет вий хьур, ахир йыха выъый хьур. Т. Султанов
МыхаIд халкьдид Вы нин-рыш Левшаъ хьуъды вахт тарихдид, девир Джаалад, Мыха1 дуруъуд сываа, дерие, Чалаа, Йукьсур — майдана, кьуцува, кьвакьи, дылаа, — Агъзыр джурад быч1ид, укьуд ил итыылад…
4 ноябрес ихьды Россия ху1кимете къутли гьыъыр ай халкьмыд сава1лид Йыгъ. Гьа байрамад йыгъас лазимды мероприятиебыр ва концертбыр йыгыр ай сиене джигима, уфтанна байрам агъмиш выъыр ай ихьды Мыха1д районди ки.
Саласадид йыгъа, 7 ноябрес 2023 сыда, Махачкалди Р. Гамзатовад дур гъад Национальный библиотекади йыгыр ай Мыха1д шаиред Рамазанова Бийзат-ришид «Ха1р быч1ихда джуды дур а» хьур китабад презентация. Ми гьанийды кьва1дхьусды китаб йиъи шиъирмыд – сахьусды китабад дур йиъий «Банымыд хан Нигебан».
