30-хьусды ноябред йыгъ йиъи нинабашды Йыгъ. Гьа байрам къутли выъыри хынымеше джуьхьды нинабашис. Быч1мыд дестебыр, хылире кихьид сурат1быр ва мадды хуьрметбыр гьыъыри хынимеше джуьхьды нинабашис.  Ху1кийметед идарама ки уфтанна кьуле выгыр ай гьа байрам.
Мыха1 ад творчествадид хынимешды Хала ки лейихене кьуле выгыр ай хьуланды байрам.
Мисагьа1тди баласды нинабашды йик1 архыйн диш, гьисхьурды гьабишды духре анидиъи СВО-ди. Шерифова Гюльсенем Гаджиалиевнад духара на кьвунды язныере к1ыбла хъуъ иштрак гьаъара ад йиъи СВО-ди. Гьа риъи ДДТ идарадид магьа1лим, гьадыла ДДТ-ди кьыле ваъара ад телебийше не джухьван гвалах ваъара ад мадды магьа1лимеше сахьусды гьанийс къутли выъыри гьа байрам. Хынимеше гьагва гьыъыри джва1р гьазыр гьыъыд сценкабыр, кьыле гьыъыри быт1рад шиъирбыр. Сагъулбыр гьыъыри джуьхьды магьа1лимес, джва1р бадана сивирхьед за1мхитдис гюре.
Йыхды ихтилатбыр, быт1рад ч1елбыр Гюльсенем магьа1лимед йик1ис раха1т йишин бадана, гьухьури джухьван гвалах ваъад къуллухчийше ки.
Джуды сура Гюльсенем Гаджиалиевнара арзуламиш гьыъыри — сиене нинабашды, ришиймашды, сусмешды ва веледмашды, дидабар, духре, шубе, иессиер сагъ-саламатана  халма хъидкьыр йик1ис раха1твалды виший, хьур.

Зарема Исрафилова