Прикаспийский регионмыд губернаторашды Сахьусды форум беслемиш вуруъура а Решт-хьур шегьерди иранский Гилян провинциеди, регионад правительствадид пресс-службадире выъыд хабардихьван.
Форум выгыргара ад йиъи арабыр мааки йыха гьаъас, хьур Каспийский дерьягьад къирхыда хад регионмыд, гуджли гьаъас, хьур экономикамыд, культурамыд, туристешды ва экологиядид арабыр.
Форум кувч1усды хьурагинды йыгъырма РД-над Кьухьнийды Сергей Меликовды поручениедыхьван Иранди йыбкьыр а правительствадид делегация.
Гьа выгыргасды ер кьа1а1рды кеп1ир аддиш: провинция Гилян Каспийский дерьягьад южный къирхыда хад виъи ва йыхана вац1ад виъи транспортбыр гыйгъа1д ер ка Ирандид не прикаспийский валаетмыд арыди, Россиядид, Центральный Азиедид ва Восточный Европадид арыдики. Провинция Гиляндире эккед гвалах выгыргара а «Север-Юг»-хьур МТК-дид, бала лаазимды ер ка транзитес южный портмыд.
Мероприятиедид девиз йиъи: «Каспийское море – мост дружбы и регионального развития»-хьур.
Гьади агъмиш гьаъасды йиъи инвестициямыд суалбыр валаетмыд арыди, кьуле гыргын сыт1ад проектбыр, савдымыд, промышленностед, сельский хозяйствадид ва туризмадид. Джураана агъмиш гьаъасды йиъи Каспийский дерьягъ темиз хъывыъынид суалбыр.
Мадды ху1кийметмыд кьухьдыбишихьван сыт1а гьади доклад гьаъасды йиъи РД-над Правительствадид Седри Абдулмуслим Абдулмуслимова ки.
Форума иштрак гьаъас йыдкьыр а делегациябыр Азербайджанда, Казахстанда, Туркменистанда, Астраханда, Калмыкиеда, иштрак гьаъара ад валаетмыд мадды ху1киметмыхьван гвалахбыр гыргад министерствамыд кьухьдыбыр, бизнесед ва дуьнйадид халкьмыд организациемыд представителер. Астраханский областед делегациедид кьухьды йиъи губернатор Игорь Бабушкин.
Форум кувч1усма Дагъыстанад премьер-министре Абдулмуслим Абдулмуслимова джвабыр хъывыр мадды ху1кийметмыд журналистешды суалмыс.

Б. МЫХАIДЫ