«Земский доктор/фельдшер»-хьур дур гъад федеральный программа себеб вишир, Дагъыстандид му1къма гвалах ваъас дыхьыр а духтурар на фельдшерер. Дыгъыстанад здравоохранениедид министр Ярослав Глазовды ихтилатахьван, 2012 сыдыла хъуъ национальный проектбыр «Здравоохранение», «Кадры», ва «Земский доктор/фельдшер» программамыхьван му1къма ва Дагъыстанад к1аъды шегьерма гвалаха дыъыр а 2400 духтур на фельдшер, гьа йиъи ихьды ху1кийметед арыди ари кид показатель.
Писды хабар йибкьыр а Украинади гыргара ад специальный военный операциеда — гьади душманаше йыхы1р ра1хметдис гьархы1ри Россиядид Йигит Муслим Муслимов. Муслим йиъий 12-хьусды дагъыстандады Россиядид Йигит, гьа офицер йиъий мотострелковый ротадид командир. 2024 сыда август вазыра Муслимис Россиядид оборанадид министирере выд виъий къизилед ха1дий Россиядид Йигитва1лид, уфтанна, йигитва1лихьван да1гьви ваъара а хьур Донецкий направлениеди.
Зас баладбыр ки йыгардиш, Мукъа1 гъад гьадхыд къавахбыр, Гьабыр кухъудкьур йыгардиш, Хамада гьамыда таарихбыр. Зас баладбыр ки йыгардиш, Дугъруд йишин, инсанвалды, Гьад йык1ыыла убхасды диш, Саки вишин джумартвалды. Зас баладбыр ки йыгардиш, Лап са душман йишихьвна, Гьаки зас йикьир йыгардиш, Белки гийкьыр хъургъухьвна. Зас баладбырки йыгардиш, Ц1ыдды ха1ля махьв лугъуйне, Быч1 къуру йишир йыгардиш, Ц1амды...
Дагъыстанад Кьухьды Сергей Меликов ха1сил йишир республикадид муфтиехьван, шейх Ахмад Афанди Абдулаевыхьван на Абдулла Ацаевыхьван. Агъмиш гьыъыр ай суал, шууна сыт1а выгыргасди гвалах дин не инсанашды савалды мааки гъигъе выъын бадана региона. Сергей Меликова йик1ыы лихъийир, мистед сен Россиядид президенте гьагва гьыъыр а Россиядид халкьмыд сава1лид Сенне, гьа эккед гвалах виъи, хьур, халкьбыр бала ад...
Республикади выъыр а оргкомитет гьазырвалдыбыр ва мадды гвалахбыр кьуле гыргасды Россиядид халкьмыд сава1лид Сыдыд ихьды Дагыстана. Гьадис лаазимды распоряжение гьа выъыр а, хьур, къул диъир дестикь гьыъыр регионад кьухьние Сергей Меликова.
Дагъыстанад Премьер-министре Абдулмуслим Абдулмуслимова къутливалдыбыр гьыъыри журналистешис, СМИ-мыд къуллухчийшис, издателешис, печатникешис ва сиъинбишис, гьал гвалах ваъара ади медиаиндустрияди, гьабишды байрамад бадана – российский печатад Йыгъас. «Гьакьдыкьулды ва дюзгинды журналистика мысга инсындире гюзет ваъад виъи, амма гъийгъад вахтинди, дуьнйады инсанашис чалыш диъиди ч1ирине гьагва гьаъас тарихдид гьакьасабыр, гьа маабыйды лазимне вуруъура. Ва1 диъи гьасад инсанар, мысга...
2025-хьусды сыда Дагъыстана езир ялар йишир а ц1инды багъбыр 520 гектарала балад ермы. Дагъыстанад Минсельхозпродад хабардихьван, сахьусды балана гьадид бадана чалыш йишир а Сулейман-Стальский, Хасавюртовский ва Ахтынский районбыр. Республикадид багъманчийше джаалахьуъдыбише ка езир ай балад емиш вылц1ад ялар – шафран ба1лимыд, ичирмыд ва шо1димыд, джат1ур мысга масак ягъа1д инсанаше. Гъийгъа Дагъыстанди сиене багъмыра хакьыр 30...
12 декабрес Российский Федерациедид Конституциядид Йыгъ йиъи, гьадис гюре ихьды ху1киймете юкьсура йыгыр а эккед байрамбыр. Мыха1д районди ки гьа йыгъ уфтанна агъмиш гьыъыр ай. Байрамад къутливалды выъыр ай Мыха1д райондид кьухьнийды заместитель Ширин Омарова, кьылевыъынид Управлениедид къухьды Осман Исмаилова, ветеранашды Советед седри Эсрефил Дамадаева, культурадид халдид кьухьды Абдулла Абдуллаева ва мадды сыт1а дишир ад...
Дагъыстандид кьухьды Сергей Меликов гьалгыр ай гвалах бадана дыркьыд журналистер йик1ыы дыгыргад Йыгъ гюзет гьыъыр. «15 декабрес ихьды ху1киймете йиъи гвалах бадана дыркьыд журналистер йик1ыы дыгыргад Йыгъ. Гьа Йыгъ гихьид йиъи Россиедид журналистешды Союзад хайишехьван 1991-хьусды сыда журналистеше сивхьид за1мха1т, ва гьабише выъыд йигитвалды да1гьвиед йыкьды-йыкьа1 дыхьыр, ц1ыед йыкьа1 а1ч1ур, гьади ад агьвалатад хабарбыр халкьды...
9-хьусды декабред йыгъ йиъи Ватандид Йигитешды Йыгъ. Гъийгъа е сиенебише артухана йик1ыы дыгыри ихьды Ватан душманакла ти гедене азад ваъас да1гьвие дыхьыд йигитер. Ва гьемиса1гьатди ки, хыле ярах хана, джуьхьды кьухды дидабар-кал йигитерне люздир ад Ватан бадана СВО-ди иштрак гьаъара ад джигьилер йик1ыы дыгыри. Сиене халкьдире, гьабишды нинабаше, къариймаше, ришиймаше, хынимеше йыгъ-йыгъа лирхьере кьыле гьаъара,...
