МыхаIд муIкъаI йыка1д кучиди ешемиш дуруъуд джигьилеше гьаъара ерли кьухьдыбишис шагыет. Сахьусды суал: гьакь гьис джаъад, хьур, машинбыр лузагьаъасды ера джуьхьды халмыд бейде сихьир а эккед тукад столбабыр. Гьамыра мышат гьаъара машинбыр дюзене лузагьаъас.
15-хьусды мартала 17-хьусды марта йыхыlр Мыхаlд района, сиене хуlкимете ка, йыгыр ай Россиядид президентед сечкибыр. Гьа сечкибыр лазим йиъидкал кьуле йыгын бадана, райондид администрациедире, сельсоветмыра, райондид избиркомара выгыр ай эккед гвалах. Сиене сытlа районди ачых гьыъыр ай 47 сесбыр ийисды участокбыр. Гьабыр ягъаlд ка кlалба-усла йыгыр ай, сыхыlр камерабыр, гьазыр гьыъыр стационарный не гъаъ-аъ вихисды...
Саласадид йыгъа, 19 мартас, Дагъыстанад Кьухние Сергей Меликова выгыр ай иджлас, гьадис гюре гьание джуду телеграм-канала мисе кихьир ай:
Нурахмед юлдашере здание луза гьыъыр ад рыкъаI, давразабыр гъад джигиди поворот кьыцIа йиъи, гьадыла саваенди рыкъыIд суруу цементIед мышат гьаъад машинмыс заливка ки гинийиъий. Гьадире машинмыд чархмыс зиянбыр вылцIарай ва инсанар ки эккене нерази диъий.
12-хьусды мартала хъуъ гьаIзизды Рамазан ваз кувчIур а. Гьеми вазыра мусурман-инсан маа ки Аллагьада бала хайир джус къазамиш гьаъас чалыш руъура. ХаIр са инсынды Аллаh-Талара лихьир ад фарзмыла артухды суннатбыр ки кьуле гыргас чалыш руъура мусурман, бала кал садакьабыр гьаъас. Сив халкьара ад инсан наIхаIн сив сахъагъус мийманваIле сес ваъара, ва мадды гьасад сывабыр къазамиш...
КьыIд аIгаIчуIр, хьад беслемиш йишир а. Гьаса йишийне, эрбыр йикис сагьаIлды бере маба. Куьнед вахтинды гьа байрамас бала убур рыхыIрей, кьыIда инсан и, вихье ад малбыр и азад йишири хьур, шадвалды ваъарай, джубра хъуд сыда ки маIхсил был-булух йиший, зиян-зарарбыр магъуIй хьур Аллагъахьде дилегбыр гьаъарай, ва хаIр хала хьуъ садакьабыр гьаъарай. Гьа байрам кьуле выгыргадид...
Гъийгъа, 8-хьусды мартад йыгъа, «МыхаIбишды цIинды хабарбыр» газетед баш редактор Тимур Махмудов ха1сил йишир ай специальный военный операцияди иштрак гьаъара ад йигит Курбанов Мурад Айвазовичды ришиймашихьван. Гьание Этномедиахолдинг «Дагестан»-хьур идарадид кьухьнийды Арсен Юсуповды, Дагъыстандид Халкьдид Маджлисед депутатад Шамиль Омаровды ва джуду суруула гъийгъад 8-хьусды мартад йыгъад байрам къутли выъыри гьабишис. Тимур Махмудова Махачкалдаа мидиъ лийкьа...
Россиядид Президентед сечкибыр йикисды йиъи 15-хьусды мартала 17-хьусды марта йыхыlр. Сечкимыс эккед гьазырвалдыбыр гыргара а ихьды Мыхаlд районди ки. Райондид избиркомад хабардыхьван, районди гьазыр гьыъыр а 47 избирательный участок. Сиене участокма камерабыр сыхыр а. Хаlр участока дикиси полицейскиер, нагьакьды гвалахбыр джишин бадана. Сиене сытlа районди анидиъи 15-ды гьагъзыра йыхыlр инсан сес ивир йыгад. Йикис сес...
ГьуIрметли юлдашер! Мистед 2024-ды сен Дагъыстанди республикадид Кьухьды Сергей Меликовад къарардихьван агъмиш гьыъыр а дагъыстандид халкьдид шаир Суьлейман Стальскиедне. Гьисхьурди, 2024-сыда шаир гьухуда хъуъ 155 сен йишир а.
Нинды чlилды йыгъ агъмиш гьаъара хаlр сыда 21-хьусды февралес. Гьа йыгъ гихьид йиъи ЮНЕСКО-дире 1999-хьусды сыда, убур вын бадана хаlр са халкьдид гьадатмыс ва чlилис. Нинды чlилды йыгъ — джурад байрам виъи. Гьа байрам агъмиш выъыр ай Мыхаlд сахьусды И. Гусейновад дур гъад мехьтебе ки. Гьади «Мыхаlбишды цlинды хабарбыр» газетед редакциедире не мехьтебере сыт1а выгыр...
