Саласадид йыгъа, 19 мартас, Дагъыстанад Кьухние Сергей Меликова выгыр ай иджлас, гьадис гюре гьание джуду телеграм-канала мисе кихьир ай:
«Хаlр йыгъа вуруъуд лаазимды суалмыд иджлас беслемиш выъыр сагъулмыла кьухдыбишис сечкибыр Дагъыстана кьуле йыгынис гюре. Гьабыр ихьды республикади йыгыр ай йыхана, инсанашды иштраквалды эккед виъий ва са нагьакьды гвалахбыр джишир. Сиене хьибды йыгьа йе сиъинбыр анидиъий гвалаха — ва республикадид кьухьдыбыр, ва правительстводид членер, ва районмыд на ва шегьермыд кьухьдыбыр.
Захда гъийгъа зенг гьыъыр ай РФ-дид Президентед Администрациедид Кьухьныйды сахьусды заместителе Сергей Владиленович Кириенкора, хайиш гьаъара сагъулбыр гьаъ хьур дагъыстанабишды йыхды иштракваlлис ва саваlлис Верховный Главнокомандующиед курсахьван. За мысга рухьуд йиъи, Дагъыстан — Россия в миниатюре виъи хьур.Эккед Республика, балад халкьбыр, хаlр джура дин ад, амма савалды ад ватан хъывгынид сураа, джуьхьды гьадатбыр ва таарих хъыгынид сураа. Ва йыхды иштракваlлихьван сечкима дагъыстанабише гьувга выъыр эккене джуьхьды ответственность ва джуьхьды гражданский бырдж. Гьелбетди, Владимир Владимирович Путинес выд сесмыд процент маддымыла эккене бала йиьий. Йе са диъи, йес сиенебишис дуруъус йыгара са рыкъаl ва сиене умудбыр киниъи са дурык.
За зы джура гьаъардиш джамаlхтикла.
Бежтинешикла, йыдкьыд сечкима йыванашиы гъана мадды мукъаl, йисхьурди раlхъ гъигъе выъыр ай йизирире.
Магьаlлимешикла, келлективехьван йыдкьыд сес ивис.
Джамаlхдикла, йыдкьыд сес ивис избирательный участокма хизынмыхьван.
СВО-дид иштракчийшикла, сесбыр ийид даlгьвиед кleэ, йисхьурди хабар адыла ихьды куьмгикла ва вацlад кьимет дюздваlлид сиенебишихъаъ йыхана.
Ихьды 100-сен ид ветеран Ибрам-Паша Садыковакла, йыркьыд сес ивис ва хаlр хьыдынийис избирательный участока роза бычl выд…
Бала уфтанна диъий ихьды акъсакъалар чlачlахыйбыр на литбыр гъад ва сахьусды йыхды дагъыстанабишды хьыле, эвелды валыг гъад.
Сечкимы усул выгыр ай хынимешды коллективмыд выступлениемыра, халкьмыд наlнимыра, мукlмыра. Инсанаше ифтарас йихирей улесдыбыр избирательный участокма комиссиямыс… Гьасад байрамад шадды гьава, избирательный участокма ад, чlелмыдаа гьувга ваъас йикисдиш.
Сагъул ваlc сиъинбишис!
Б МЫХАIДЫ
