Дагъыстанди куьмегбыр выр хыл вырыхы1ре а бегедебишис эскерешды на добровольцыйшды, дыркьыд на яраллы дишид да1гьвиди. Садана вылц1ад куьмег гьамыъ лешус йикиси «Все вместе»-хьур Фондала хьуъ, ягъы1р бегеде хад многофункциональный центрада.Дагъыстандид МФЦ-дид хабардыхьван, регионад выплатабыр тааликь руъура лешус эскерешды хизынмыд инсанашда, контракт кит1ир РФ-дид национальный гвардиедид войскама дишидбишды ки, са ки инсанашды добровольцыерне дыхьыр ад. Гьасад куьмег тааликь руъура лешус, эгер йыхы1хьвна (йикьихьвна) яки яраллы ва едере йишихьвна иштрак гьаъад вахтинди специальный военный операциеди.
Гьадыла саваенди, куьмег силхьвара ва тааликь руъура хизынмыс эскерешды, дыркьыд Белгородский, Курский ва Брянский областьма иштрак гьаъад вахтинды операциема. Гьа гедене гюзет гьаъара гьакьасабыр, йишид 2024 сыда 9 августалады режим контртеррористический операциедид хъуъ хъаъадыйыкьама гьавгва гьыъыр ад регионма.
«Республикадид инсанашис вишир а раха1твалды - гьабишда йикис выс гьа1рзе йыггад Дагъыстанди ад МФЦ-дид филиала. Ешемишды ерала асыллы диш гьа гвалах — «Мои документы»-хьур центрад специалистеше кьабыл гьаъас пакет документмыд йиггад шегьерди яки районди Дагъыстан республикади ад.
Выплата вын бадана, выр йыгара документбыр, гьагва гьаъад вы бегедед йиъид эскеред, са ки йикьир адид ва яраллы йишидид да1гьвиди. МФЦ-дид къуллухчийше куьмег гьаъас гьа1рзе кивхьис», - учреждениедид пресс-службадире выъыд хабардихьван.

Б. МЫХАIДЫ