Белоруссиедады делегация «Беллегпром»-хьур концернадид седриехьван Татьяной Лугинойехьван выхьыр ай дагъыстанабишды «ДОФ+»-хьур дур гад гъилабадыбыр агьахад фабрикади ва таныш дишир гьадид гвалахахьван, шудаъ руъура ади гьаъас гъилабадыбыр. Гьабишихьван сыт1а гьади йыхьыр ай Дагъыстанад экономикадид ва территориальный развитиедид министр Гаджи Султанов.
Фабрикади, гвалах ваъара ад 1998-ды сыдыла хъуъ, мийманар таныш дыъыр, шууна агъахара ади джураана гъилабадыбыр силовой структурамыс: МЧС, МВД, спецназ ва пограничникешис. Эккед убур йыхы1р ай подошвамыс гъилабадымыд алахьуъ рыхы1д, джала хьуъ гьабыр лебшурай мадды ху1кийметма. Гъийгъа гьабыр сиене гъийкьыр анийиъи, артухдыбыр маддыбишис ки сиргара.
Йик1иы лихъийис, ООО «ДОФ+» фабрикадире иштрак гьаъара ад йиъи прорывной проекте республикадид «Город обувщиков»-хьур, кьуле гыргара ад региона гъилабадымыд гвалахбыр гуджли гьаъас хьур ва инсанашис гвалахмыд ербыр бала гьаъас хьур.
Бегедене фабрикадид плынди а мааки бала ва мадды джурад гъилабадыбыр гьаъас, ишлемиш гьаъара къыдкьыд картон.
Белоруссиядид делегация мидиъ йыбкьыд виъи ихьды регионад Правительствадид Седри Абдулмуслим Абдулмуслимов Беларусьди йыхьыр гвалахмыд арабыр йыха гьыъыдыла хъуъ.

Б. МЫХАIДЫ