Гьаапхы1д ха1фтидис Мыха1д райондид Администрациеди выгыр ай прием граждан. Инсанар кьабыл дыъыр райондид кьухьние Давуд Сулейманова ва Дагъыстанад Халкьдид Маджлисед депутата Шафи Абдуллаева.
11-ды инсанара райондид му1къмады кьабыл дыъыд арыди ашкара гьыъыр кьухьдыбишис джуьхьды къавгъу-дердибыр. Баласдыбыр гьамыкла йиъий ЖКХ-дид ва ер-юртбыр дюз-дюзгин гьыъынид му1къма.
Гьеми хьуланды суалбыр йиъий инсанаше лаъ гет1ир ад:
1. Хлют му1къа1 хайиш гьыъыр ай усла выгыр йыгара хьур му1къу1д клубад хьуъна гид ма1хле.
2. Мишлешебишис йыгара а му1къа1 выъыр ц1инды типовой мехьтеб.
3. Мыха1 кьуле йыгыр йыгара лазим йиъидкал дюзгинне хьидмыд отводмыд суал.
4. Мыхы1рек халма хьедбыр йыгыр йыгара а.
Сиене хайишмыхда хъадацур, лешур кьухьдыбише гьабыр джуьхьды учута. Райондид кьухьние Давуд Сулейманова ва депутат Шафи Абдуллаева выс, хьур, гьамыд бадана тааликьды службамыс на подрядчикешис поручениебыр.
Гьа гыргасды гвалахмы джат1ур дикис макъыет. Йидкьыбише лаъ гет1ид суалмыс джывабыр хъывыс, хьур, вахтинди.
Райондид администрациедире гьасаб выъыр инсанашды прием лазимды гвалахна, кьуле йыгын бадана вахтинди гьабишды къавгъу-дердибыр.

Б. МЫХАIДЫ