Дагъыстан Республикадид Правительствадид Седри Абдулмуслим Абдулмуслимов гьа1сил йишир ай Орловский областед Губернаторад заместителехьван — Росссийский Федерациедид Правительствадик кид Орловский областед Представительствадид кьухьнийхьван Александр Бирюковыхьван, йыркьыд Дагъыстанди гвалахбыр гине.
Йыркьынид натийдже виъий таныш йишин Дагъыстанад потенциалахьван ва сыт1а кьвунды регионара гьазыр гьыъын лазимды проектбыр.
Абдулмуслим Абдулмуслимова ихтилат гьыъыр мийманас Дагъыстандид ухьтанва1ликла, гьадид экономикадикла, сельский хозяйствадикла ва туризмадикла, гьухьур гьадыла хъуъ республика мысга гьазыр виъи сыт1а гыргас кьуле лазимды гвалахбыр.
Александр Бирюкова Орловский областед губернатора Андрей Клычкова сигыр ад саламбыр хъывыр ва эккед сагъул-варулбыр гьыъыр йыхана мийманва1ле кьабыл гьыъынис гюре. Гьание гьухьур, Дагъыстан джавац1ад регион диш Орловский областес, гьади ешемиш диъи к1ыблахъуъ шумуд иди гьагъзыр дагъыстанабыр, гьадыла джва1ршис маа ки йыгара кьвунды регионад арабыр йыха гьаъас.
Ха1сил дишид арыди агъмиш гьыъыр ай суалбыр кьвунды регионад сыт1а гыргасды гвалахмыклады, кьуле гыргас хьур сыт1ад инциативабыр Дагестанад на Орловский областед.

Б. МЫХАIДЫ