«Северный ветер» хьур 88-хьусды бригададид эскереше эккед сагъул-варулбыр гьыъыри Республика Дагъыстанад Халкьдид Маджлисед депутатас МыхаIд райондид суруулад Абдуллаев Шафи Кафлановичес, балана выд куьмгид бадана ва вырыхыIре ад хыл-худад бадана ихьды эскерешис специальный военный операция ад вахтинди.
— Ва рыхыIд убрура, вылцIад куьмгире эскерешис лаазимды гвалахмыс ес мааки кьуве вылцIара, йисхьурди хаIр дагьвиди лирхьед къадамас выгара вуруъура йыхды джандид гуджила гъайри ва фикирмыд кьуве ки, вуруъуд яхда ва вылцIад куьмгире. ВыIхьды эдемиваIлире ва йикIыыла уджудха дыъынваIлире ес гьацIара руъура, ихьды йыкьаIхда хъуд гьекъийкъатды Ватан хъывгад йигитер.
Шафи Кафланович, выды чалышвалды куьмег гьаъас ва хадкьас ватан увухуIбыр эккед гвалах виъи ихьды хаIрнийды сагъвалды вишин бадана. Вы — гьекъийкъатды инсан йиъи ми джетинды вахтинди!
Сагъул виъи Вас сиене гьаъад гвалахмыд бадана!
Ес гьацIара, сытIа еда йыгад джетинвалдыбыр летIес йикисды ва деледжег викисды секинвалды ихьды инсанашис не вилаетес, — гьухьури СВО-ди ад йигитеше.

Б. МЫХАIДЫ