20-хьусды сентябрес Сергей Меликова выгыр ай Дагъыстан Республикадид Оперативный штабад иджлас агъмиш гьаъас хьур гьади суал, шыв гьазырвалдыбыр гьыъыр йыгаарди инсанар хумухдид призывас эскерваIле сидигас.
Гьа призыв викисды виъи октябряла декабрь вазырыы йыхыIр 2024 сыда.
Призывахьде гидхьусды йиъи инсанар 2006-1994 сыдырма дюхюд.
Дагъыстанад кьухьние гьухьудкал, 2024-хьусды сыдыд хьадид призыв выгыр ай кьуле гьакьна — кьулна.Гьа гьунар йиъи сытIа выгыд гвалахад эскерешды комиссариатмыд, муниципалитетмыд кьухьдыбишды ва СМИ-мыд.
Хумухдид призыв, гьухьур Сергей Меликова, гьадыла йыхана выгыр йыгара.
Гыргара ад гьазырвалдымыд гвалахмыкла ихтилат гьыъыр республикадид врио военный комиссара Абдурахман Мурадханова. Гъийгъад йыгъаа йыхыIр гьазыр гьыъыр а инсанашды списокбыр, призывак китхьур ад, ваъара а гьабишис гьадид хабар эскерешды комиссариатмыла хьуъ, выгыргара а гвалах, гьазыр гьаъасды сытIа дуруъуд пунктма призывникешис лаазимды кар-куш ва машинбыр.
Гвалахмыд группадире еринды вуруъура гьацIара гьаъара а шууна выгыргара ади гьазырвалды призывас ва вылцIара а лаазимды куьмег ки. Планма ийир а гыргасды инструкторашды методический сборбыр призывной комиссиямыд къуллухчийшихьван, эскерешды комиссарашихьван, шегьермыд на районмыд отделениемыд кьухьдыбишихьван. Гьазыр гьаъасды йиъи еринды сигасды группабыр военный комиссариатад къуллухчийшикла, прокуратурадид, ОВД-мыд, администрациемыд, халкьдид собраниедид депутаташикла кьуле эдис инсанар, шууна викисди гьабишды эскервалды.
Абдурахман Мурадханова гьухьур, призывникер сидигасдиш специальной военный операциеди.

Б.МЫХАIДЫ