Дагъыстандид врио кьухьды, Федор Щукиныла, джама1ха1т эккене рази виъи, гьадыла гьа ки чалыш йишир йигара йыхана гвалахбыр кьуле гыргас.
Фуланды ч1елбыр гьухьури Совет Федерациедид седри Валентина Матвиенкора, республикадид кьухнийхьан ха1сил ришид вахтинды.«Республикадид кьухьвалды ваъара ад ц1амды вахт виъине йишийне ки, дагъыстанабыр вала рази диъи, гьабыр инамиш диъи ваа у ва гьабыр выды суруу хъуни диъи. Гьадыла вы ки чалыш йишир йигара йыхана гвалах ваъас ва йыгъ-йыгъала ваа умуд выъыр ад республика хьуъ выгыргас», - гьухьури Матвиенкора.
Гьадыла гъайир Матвиенкора генеки гьухьури Совет Федерацие гьазыр виъи куьмег выс Фёдор Щукиныс гвалахбыр кьуле гыргас, республикадид хьури гид четинды суалбыр кьуле гыргас.

Зарема ИСРАФИЛОВА