Дагъыстан Республикадид внутренний гвалахмыд Министерствадид къуллухчиер ха1сил дишир ай региона ад автозаправочный станциемыд иессийшихьван.  Ха1сил дикисма хьурагине шумаиди гьабишихьван ихтилатбыр йыгыр ай топливный гьакьасабырмыкла.Гьадыла хьурагине РД-дид внутренний гвалахмыд министре  Абдурашид Магомедова джуды полицейскийшде вац1ара ваъ хьур ай агьвалат шууна гьаъарди бензинед кьиметбыр, гьила йихирди ва лебшурди гьа, шыв себеб вишир гьабыр, кьиметбыр, гьаъара адбыр йиъиди, гьагва гьаъад предпринимателеше. Гьа проверкабыр гьаъара ка1ч1ур ай садахьур ка лаъ йыдкьыйне бензинмыд на газад кьиметбыр.
Ведомствади вишид иджласа кьва1д си сур рази дишир сыт1а эгъет1ид дюзгинды кьарара. Ведомствадид хабардихьван, агыр гьыъыр ад меслягьа1тдире гюзет гьаъара бензин сиргабишды ниятбыр, лаъ руъура кьиметбыр лебшура ад бензин, са ки республикади машинмыд иессийшды, бензин аъад.

Б. МыхаIды