26 июлес Каспийскади ад М. Халиловад дур гъад парка  агъмиш выъыр ай байрам Дагъыстандид Конституциядид Йыгъас гюре. Гьа магьра1катди  мийманна йыркьыр иштрак гьыъыри  регионад  Росгвардиедид управлениедид кьухьние  полковник Вадим Кузнецова.Гьадыла саваенди гьа байрамад  магьра1катди иштрак гьыъыр ай шегьердид  администрациедид къуллухчийше Каспийскадид врио кьухьнийхьван  Арсен Шерифовыхьван сыт1а йыдкыд, росгвардейцыйше,  Каспийский флотилиедид морякаше, джигьил-дживанаше ва  общественникеше. Беземишне гьади лаъ выъыр ай республикадид Ху1кийметед пайдах.
 Каспийскадид врио мэре Арсен Шерифова шегьердид инсанашис къутли выъыр байрам ва дирзир йыхана гвалахас чалышды, дур ад ерлид инсанар, выр гьабишис байрамад наградабыр.
Регионад  Росгвардиедид управлениедид кьухьние ки къутли гьыъыр байрамад Йыгъ ягъмишдишибишис.
«Дагъыстан Республикадид Конституция – гьа кьа1рди къанунбыр диш, гьа виъи махкамды бин, гьили луза гьаъад гъийгъад на быгаады йыгъ. Гьадире дестикь ваъара ихьды ихтияр ешемиш дикис да1гьви адишне, са сынийыла разине, ва йыхды гвалахбыр гьаъара, гьадыхьван сыт1а йик1ыы лахъахара ес сахьусды хазна республикадид виъи хьур гьадид инсанар. Йыха, быт1рана викий ихьды ватан йыгъ-йыгъала, ва ха1р хала мысга йикий шадвалды, сабырвалды, гедкьынвалды са сыныйихьде. Е – эккед са хизан виъи ва ихьды савалды  – сахьусды ихьды кьуве виъи. Къисмат гьаъара сиъинбишис  эдемивалды ва инсанвалды, лаъвалды ва йыхды мидыла хъу яшайишбыр.
Байрам ва1с къутли генеки!» – гьухьур Вадим Кузнецова.
Бегьем вишир магьра1кат концертахьван, гьаъара на1гьнибыр дагъыстанабишды артистеше валаетдиклады ва ихьды ватандиклады.

Б. МЫХАIДЫ