РФ-дид Президентед Администрациедид кьухьнийды Сахьусды заместитель Сергей Кириенко гвалахбыр гине йыркьыр Дагъыстанди 17-хьусды августас.
Йыркьыда сахьусды кьул гьание лихьир быч1быр Магомедали Магомедовад памятника Махачкалди Расул Гамзатовад дур гъад проспекте гид. Гьанийхьван сыт1а монумента быч1быр лихьир РД-дид врио Кьухьние Федор Щукине ки.
Магомедали Магомедова республикадид кьухьвалды выъыр къанна хьудды сыда, лап джетинды сыдырма. Гьа кьухьды йиъине кьабыл выри Дагъыстандид Сахьусды къанун. Эккед йигитвалды гьание гьувга выъыр 1999-хьусды сыда, ихьды валает зел-зеле ваъас чалышды гедене.«Ихьды дур ад инсан йик1ыы хъыгын – гьа са хуьрмет диш ваъад хьуъды вахтиндис, ва генеки угут виъи вылц1ад гъийгъад инсанашис, гьанийды гвалахбыр гьаъара чалыш диъид.», - гьухьур гьа магьра1катад иштракчийше.
Гьадыла саваенди Сергей Кириенкора на Федор Щукине йик1ыы хъыгыр Дагъыстандид шаир Расул Гамзатов – гьабише гьанийды памятника ки лихьир быч1быр.
«Дагъыстан гьухьуйне сахьусды кьул сиъинбишис йик1ыы руъура Расул Гамзатоа – гьание вац1ара выъыр бютин дуьнйадис ихьды республика», - гьухьур Федор Щукине.
Шаир, гьанийды ч1елмыхьван, символ виъи халкьмыд сава1лид: гьанийды шиъирбыр лап балад мадды ч1елмы ругъа гьыъыр а, ва сасад гьанийды гафбыр йишир а крылатыйбыр. Президент Владимир Путинды куьмгихьван бала уфтанна республикади агъмиш гьыъыр ай Гамзатовад 100-сен.
«Гьанийды шиъирбыр да1гьви гъадишды дуьнйадикла, ватандиклады ва эдемива1ликлады лап лазим руъура гъийгъад вахтинди», - гьухьур регионад кьухьние

Б. МЫХАIДЫ