Республикадид Кьухьние Сергей Меликова выъыд хабардихьван, благотворительный организациемыра Tooba приложениедыла хьуъ ягъмиш гьыъыр ай 700 миллионала балад манутбыр.
Дагъыстанад регионад Иджласад депутата Магомед Садулаева 330 миллионала балад манутбыр йыхы1р ай гьугълумыра зиян-зарарбыр выр ад дагъыстанабишис. Гьа хабар выъыр ай республикадид Халкьдид Маджлисед седриед заместителе Юрий Левицкие республикадид кьухьды Сергей Меликов, СКФО-ди ад президентед полпредед заместитель Магомед Рамазанов ва Россиядид МЧС-дид министред заместитель Алексей Кострубицкий ки ана выгыд оперштабад иджласа.
«Республикадид иджласад депутата Магомед Садулаева 330 миллионала балад манутбыр йыхы1р ай гьугълумыра зиян-зарарбыр выбишис»,- гьухьур Левицкие.
Республикадид Кьухьние Сергей Меликова иджласа гьухьур, благотворительный организациемыра Tooba приложениедыла хьуъ ягъмиш гьыъыр ай 700 миллионала балад манутбыр Дагъыстана гьугълумыд хьидмыра зиянбыр выбишис.
Гьадыла хьурагине республикадид Иджласад седрие Заур Аскендерова гьухьур ай, дюз хъаъас, хьур, 20 хал, хьидмыра зарарбыр выд Мамедкала му1къа1.

Насир ИБРАГИМОВ