25 ноябрес викиси «Прямая линия» РД-дид Кьухьнийды Федор Щукинед
Регионад кьухние гьухьудкал, «Прямая линия» ади агъмиш гьаъаси сахьусды кьул кьуле йыгыр йыгад суалбыр ва гьац1ара гьыъыр гьагва гьаъас, шууна гъийгъа ад джетинды гьакьасабырмыд кьарарбыр эгъет1есды.Обращениебыр кьабыл гьаъара ка1ч1ур а. Ха1р инсындида ва дагъыстанашурада выс йикис джуды суал портала хьуъ VoprosGlaveRD.ru; телефуна «горячей линии»: 8 (8722) 98-90-81; чат-ботала @VoprosGlaveRD_bot мессенджере MAX.
«Зас шумаиди гьагур ва1 шууна йыхана иштрак гьаъарди гьа гедене ва шууна дерде ади ад агьвалтмыд. Джама1хтид макъыетва1лихьван, инсанашды гьунырдыхьван еда йишир кьуле гыргас дюзгинне балад суалбыр, инсанашис йишир ад зиян-зарармыд гьакьасабыр кьуле гыргади, лазимды проектбыр кьуле гыргади му1къма на ва сиене республикади», – гьухьур Федор Щукине.
Б. МЫХАIДЫ