2026 сыда хумухдид езелбыр Дагъыстанди ягъмиш гьаъас йыгара а 80 гьагъзырды гектарала балад ермыла, республикадид сельский хозяйствадид ва продовольствиедид министред заместителе Шарип Шарипова выъыд хабардихьан.
Сахьусды балад ма1хсилмыд ербыр анийиъи Хасавюртовский район ди – 19,5 гьагъзыр га, Ногайские – 10 гьагъзыр гектара йыхы1р, Карабудахкентский районди – 9,5 гьагъзыр га, Кизлярские ки – 7,5 гьагъзыр га.
Ма1хсилбыр ягъмиш гьаъас сигас, хьур, а 400 балад комбайнибыр. Плынди а йыкьас хьур техника мадды регионма ки, ва ари республикади ад комбайнимыра ки гвалах графикехьан выгыргаси тааки бегьем дуруъума сиене езелбыр ягъмиш гьыъыр.
Шарип Шарипов тааныш йишир гыргара ад гвалахмыхьан хумухтид езелбыр ягъмиш хъаъара СПК «Гранит» хозяйствади Хасавюртовский районди ад, Гьади хьывад ма1хсилала гъайри езир ай рапс, хар, нут ва горчица. Предприятиедид кьухьнийды Адил Гереевад ч1елмыхьван, ма1хсилбыр ягъмиш гьаъад гвалаха иштрак гьаъара а хьибды хусуси комбайнимыра ки. Автопарк гьазыр гьыъыр а, запасной частьбыр ки сиене лаазимды еринды анийиъи, ц1аймылады, хьуммылады а1хтиетвалдыбыр ки сиене гыргара а.
Министред сахьусды заместителе эккед кьимет выр СПК «Гранит»-хьур хозяйствадид гвалахас ва хывкьыр гьа сахьусдына Дагъыстанди.
«Гьа сахьусды эккед ма1хсилбыр ад республикади хозяйство виъи, йыхана ишлемиш гьаъара ад гьамыъды техникабыр. Баласды гьабишды гьакьасабыр е ишлемиш гьаъара мадды джигима ки ихьды региона – навкьбыр лийхы1н ва мадды гьакьасабыр», – гьухьур Шарипова.

Б. МЫХАIДЫ