«Земский доктор/фельдшер»-хьур дур гъад федеральный программа себеб вишир, Дагъыстандид му1къма гвалах ваъас дыхьыр а духтурар на фельдшерер.
Дыгъыстанад здравоохранениедид министр Ярослав Глазовды ихтилатахьван, 2012 сыдыла хъуъ национальный проектбыр «Здравоохранение», «Кадры», ва «Земский доктор/фельдшер» программамыхьван му1къма ва Дагъыстанад к1аъды шегьерма гвалаха дыъыр а 2400 духтур на фельдшер, гьа йиъи ихьды ху1кийметед арыди ари кид показатель.
2025-хьусды сыда духтурас вылц1арай 1 миллион, четинды джигима адбишис вылц1арай 1,5 миллион манут.   Фельдшерешис выри 500 гьагъзыр ва 750 гьагъзыр манут.
Министре генеки гьухьури: «Земский доктор/фельдшер» программадире  бала уфтанана гвалах ваъара а. Гьадис гюре йыгъ-йыгъала лаъ вуруъура а дагъыстанад здравоохранение. Гьа программа себеб вишир хырыда ад му1къма гвалах ваъас дыхьыр духтурар. Гьадыхьван сыт1а яшайишбыр йыха йишир а му1къма ешемишды инсанашды ки ва духтурар джва1р ки эккене рази диъи.
В 2026 сыда к1аъды шегьерма на му1къма гвалах викиси 115 духтурас на 15 медсестрыес.

Зарема Исрафилова